Kí Edhesiny 4:8 - Fayam Midhab Yiesu Kiristoká He Hol Af Iđiny Kaanaká

⁸ Hé luogol-, afurallá lulle kuol hí lelle, gónle ubaa kuolle lulle in biiy ki dhaˈgasanká hí kuˈd. Kulich ubaa chúúrélle hé árallá ˈdony ali ma kokony. Ár kieye, Máá Guđo Waag fargogínt lulle ˈguo-, kíssóótí ali ije-, káána ali ijo-, tá bár ka chiimetká úba ali ijoká he Máá ˈdúwa-, saas mán-, saas mán-, saas mánká! aar hí yie.

Kí Edhesiny 4:8 ပူးပေါင်းရင်းမြစ်များ

He Ekeny Gál Alb Fimiká 20:31

Aaléka, biiy ˈdeeˈdemíe, warram seđ geerle hát yú hí chúúre ubaa kúlíchle buony af ki tatieká táb ˈduoˈdodhíe.

Korínto ki Naamaká 6:18

Yú ˈJaakícho ha yeedhe, itín um chia yaabká ubaa um chia ˈdietká haí cheedhe, Máá Guđo Waag fargogínt lulle ˈguoká hí yie.

Dhesaloníke Erká 2:9

Nyaaramkínyo, hújích fargogo-, laatle nyí lađaanneká it mé ká ˈgayya. Bár kinaallá ke hí Fayam Midhab Waaˈgietal ki ˈdiyimeká kulich ubaa chúúrélle nyí hujich nanniyye, giri ke hí ílsh ma ki yégenká.

Tímote Erká 4:16

Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Héberew 13:8

Yiesu Kirísto hé hol ma gaa sorominy. Mu he máá tikiˈde gefere-, ubaa kulichallo-, tá biiyoká.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 1:8

Máá Guđo Waag kieye, Yú he Álfa ubaa Oméga, Waag ali iđo-, kísóótí ali iđe-, tá bár ka chiimetóótíá úba ali iđo-, fargogínt lulle ˈgayyoká, he chie.

Kí Edhesiny 11:17

kieye, Kó Máá Guđo Waag fargogínt lulle ˈgayyo-, kis ali iđe-, bííyyo ali iđóóllo, ˈdaa giri kúún fargogint kua guđoká eete-, káána les kansimle liletééllá nyáá nyí ko gielmít hol ˈdu gáá niiyye.

Kí Edhesiny 14:11

Gál bíních kach ˈgúóllá ubaa binich yaalmitlé metle les kurram gaa ˈdaraan-, memeyo-, tá binich meenyle gúíyle gaalí guguoká iiy yegetká hé kulich ubaa chúúrélle héf ma ˈgiˈgisan, ˈjietlé hí manyjasichoká érle taalle bííyyo hai kekeme, muí yie.

Kí Edhesiny 14:3

Gál giri Élíny gúm álle hol af ˈgie kinaal ár kaanaká kara guchi Waaˈgietká ubaa hé giri luogol-, afurká, tá gál giri káruká metle gaa ˈdarama. Ár kinaallá hé máá níínní hí oonootká mán. Gál giri shíí kúˈd tikiˈde-, tómón eiy afur a afur-, Waag hí lésallá gáá yiateká tákáma hí og.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

Kí Edhesiny 15:7

Aalé hé giri luogol-, afurká he tikiˈd gál ˈgasso-, urru-, tiiyáállá kedm tiiya-, horki-, Waag taalle bííyyo ali iđóóllá idholle hí koch kochká eiy eiy taat shie.

Kí Edhesiny 16:14

Aryaan seđééllá he aryaan gál ˈgasso-, Satan-, hé gálaat hí af ˈdaˈdaboká ekemeycho-, les lulle gállé kaansúoká af gaa verenno-, giri gál kaansúo kinaal ali tikiˈd hol mé ˈdú egeyyo-, Waag hol yegeská. Oosééllá Waag fargogínt lulle ˈgayyoká kúlíchlé guđoká he ali kí ˈdeenne.

Kí Edhesiny 16:7

Aalé yú ˈdéé hót kúb suoryo-, álle yé gáá ˈdiiyyeká maale, ˈdéé hót kieye, Máá Guđo Waag fargogínt lulle ˈgúóllo, hé ˈduwa, yaalmit kuuní gálaat ˈdeem ki iđimichóóllá he yaalmit ˈdúwa-, tagléká, chie.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 19:4

Tá karu giri tomonaam naama a afurká ubaa hé giri luogol-, afurká Waag karallé guchiká ˈdú iđoká metle abuunam les gaa ˈdane, Waag meey, kieye, Iiy-hí, he hí hát kinaallá yeet! Alelúyya! yie.

Kí Edhesiny 21:22

Yáá ˈBíl Waaˈgiet ˈjien ma gaa árginy. Hééllá he ˈdaa giri ˈjien ˈBíllé Waaˈgietká he Máá Guđo Waag fargogínt lulle ˈguoká ubaa Élínyi.

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá:

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 4:6

Kára metle úba bás dhát-, ˈjiimidatká hí ije. Kára ˈdinnamle lulle hé luogol-, afur-, bala ubaa sug in burnay-, biiy ki dhaˈgasanká ka ˈguoká hí ˈgie.

Kí Edhesiny 4:9

Af giri hé luogol kinaal Máá kara guchiká ˈdú ijo-, taalle bííyyo ali ijoká ˈdúúw shiiguo-, mú memeyo-, tá mú gielmít hol ˈdú nannuoká,

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.

Kí Edhesiny 6:1

Aalé Eliny kat tiiyaká katlé erkobká silmieká yú arge. Hé giri luogol-, afurká he tikiˈd ˈdéé hodhe, yú a maale. He ˈgoonyle yérle hát ˈgeˈgete, he kieye, Káde! yie.

Kí Edhesiny 6:6

In hé luogol-, afurká hurtle yú ˈdéé hót gaa maale, ˈdéé hót kieye, Sííndí murmurté hí tikiˈdeká bírelle hújích kulich hí tikiˈdeká hai yeedhe. Tá rub murmurté hí seđeká úba bírelle hújích kulich hí tikiˈdeká hai yeedhe. Héétí salab ubaa ˈduu vinna haí ˈdeenêny, ˈdéé hót hí chie.

Kí Edhesiny 7:11

Aalé gál ˈgasso-, urru-, kara guchiká ubaa káru, tá hé luogol-, afurká ki madeká lulle kara guchiká metle abuunam les ˈdane, innum les ˈdú iifie, Waag meey,

Kí Edhesiny 7:15

Hééllá ˈdugaka in gaal kara guchi-, Waaˈgietká met ˈgee. Gaal Waag hújíchle ˈBíl Waaˈgiet kulich ubaa chúúrélle gaa nannaa. Waag karallé guchi-, ˈdú iđóóllá gáál hai buanna.