Kí Edhesiny 4:4 - Fayam Midhab Yiesu Kiristoká He Hol Af Iđiny Kaanaká

⁴ Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 4:4 ပူးပေါင်းရင်းမြစ်များ

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Kí Edhesiny 11:16

Tá karu giri tomonaam naama a afurká karmlé guguchiká ˈdú ijo-, Waag met gaa ijoká abuunam les ˈdane, innum les veere, Waag meey,

Kí Edhesiny 14:3

Gál giri Élíny gúm álle hol af ˈgie kinaal ár kaanaká kara guchi Waaˈgietká ubaa hé giri luogol-, afurká, tá gál giri káruká metle gaa ˈdarama. Ár kinaallá hé máá níínní hí oonootká mán. Gál giri shíí kúˈd tikiˈde-, tómón eiy afur a afur-, Waag hí lésallá gáá yiateká tákáma hí og.

Kí Edhesiny 19:14

Tá yuoy-, urru-, burnayye-, đafaraam ˈdabaan-, eegedh-, símis mánká faate-, fara eegedhká ˈdú iđoká mú el gaa igiˈda.

Kí Edhesiny 19:4

Tá karu giri tomonaam naama a afurká ubaa hé giri luogol-, afurká Waag karallé guchiká ˈdú iđoká metle abuunam les gaa ˈdane, Waag meey, kieye, Iiy-hí, he hí hát kinaallá yeet! Alelúyya! yie.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 3:18

Aaléka, hatallá ˈdée, hórkí ˈjiet hí ˈgeesiche-, óshor mánká ye gaa hidhdhíe, giri hí gál kaamúreká chegetoká. Đafaraam eegedhká ye gaa hidhdhíe, giri hí fafaat-, hí búr ma iđiny-, kern hí ma ˈgiˈginká. Sáláb ˈgór ˈgayyoká úba ye gaa hidhdhíe, giri sáláb kinaal hí in gaa liliat-, hí biiy gaa aargiˈdaká.

Kí Edhesiny 4:10

gál káru tomon naama a afurká Máá kara guchiká ˈdú ijo-, taalle bííyyo ali ijóóllá met les gaa ˈdarama, mú memeye. Gaal shotamlé hórkíká kara guchííllá met fafaa, áár ˈdarama, kieye,

Kí Edhesiny 4:6

Kára metle úba bás dhát-, ˈjiimidatká hí ije. Kára ˈdinnamle lulle hé luogol-, afur-, bala ubaa sug in burnay-, biiy ki dhaˈgasanká ka ˈguoká hí ˈgie.

Kí Edhesiny 5:11

Aalé yú đo gál ˈgasso-, urru-, burnay-, kara guchiká ubaa hé giri luogolká tá karu giriká ki madeká arge. Héétí gaal áár ˈdarameká yú maale. Gál ˈgasso-, urru kinaal túóyle he shíí shíí burnayye-, túoy mánká.

Kí Edhesiny 5:14

Aalé hé giri luogol-, afurká kieye, Iiy-hí, he hí hát kinaallá yeet! yie. Gál giri káruká đo abuunam les ˈdane, Waag ubaa Élíny meey.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.

Kí Edhesiny 5:8

Aalé mu warˈgát eedhdheká, hé giri luogol-, afurká ubaa karu giri tomonaam naama a afurká Élíny ˈgas met abuunam les gaa ˈdane. Hé luogol kinaal ubaa gaal íín lúl hé áár ki ˈdaraanká ubaa kedm horki-, eruká gil ká ˈgaa. Eru kedm yé gáá ˈdeˈdeenallá he Waag visan gál Kirísto iiy yieká.

Kí Edhesiny 6:11

Gálallá đo Waag hí gielo eegedhká eiy taat shiiche, Waag hí geeyche, giri gaal á níínni mare yíéđian-, ˈdaab gáál nyaaramlé-, Kiristo-, les gaa ijo-, hát gaal íínka gede Waaˈgietallá ˈdáblé gaalí gaa yegeská úba gaalí ma gaa yíésinyká.

Kí Edhesiny 7:11

Aalé gál ˈgasso-, urru-, kara guchiká ubaa káru, tá hé luogol-, afurká ki madeká lulle kara guchiká metle abuunam les ˈdane, innum les ˈdú iifie, Waag meey,

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.

Kí Edhesiny 9:7

ˈGámútáách kinaallá hát fara gaalí ˈgulo oosoká fieká. ˈGamutaach hé met ka ˈgieká hát shotam horkiká. Innumle hát innum gálaat,