Kí Edhesiny 4:1 - Fayam Midhab Yiesu Kiristoká He Hol Af Iđiny Kaanaká

¹ Hééllá lulle yú argeká, úr af hí furme yú arge. ˈDéé hót er yú maale-, faˈd shímle ki égká geđi ye geeyche, kieye, Úr ál yú ijóóllá mé ká naʼ. Hé yú ko geeyallá elle yaalmisano yé ká ˈdeˈdeenká ha yú ko ká aargisia, ˈdéé hót hí ye chie.

Kí Edhesiny 4:1 ပူးပေါင်းရင်းမြစ်များ

Matááyo 3:16

Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

Márko 1:10

Yíésu bie yé gáá ˈdeˈdemeká úr af hí fufurma, Hím Naasan Waaˈgiet hát hóleká mú ˈdu gáá lelete, muí arge.

Lúka 3:21

Af giri Yuána hátlé Heróˈde hí ma hííginká, Yuána gál ka yimieká lulle bie gim nannieká Yíésu úba bie gim nie. Yíésu hátle Waag vivita úr af hí furme.

Yuána 16:13

Tá Hím Naasan hí ˈduuw Waaˈgiet af ki tatiyyo kinaallá ká chimieka, he lullé ˈdúwaká af haí gáá kokoyyo. Mu hé hélle ma hogon, mu hé maaleká hai hogodho, hé geđ igiroká haí ká geđia.

He Ekeny Gál Alb Fimiká 10:11

Aalé mu úr af hí furmeká arge. Hé đafar guđoká ki ég-, gaalí ˈdinnam afuraalle ki ˈgie-, gaalí les kí lelesieká muí arge.

He Ekeny Gál Alb Fimiká 7:56

Aalé Estéfan kieye, Bá dhaayyíe, úr hé af hí furme, Iny Máádhat Waag gíl ˈdaa naanietká yaal, muí yie.

Kí Edhesiny 1:10

Kúlích Máá Guđoká tikiˈd Hím Naasan Waaˈgiet kaschú chirate, in yú mé sugchú ˈdéé hót ˈdér-, faˈd shímle ki égká gaa maale.

Kí Edhesiny 1:12

Aalé yú hol gaa made, ˈdéé hót ye geđicheká máálle aargireká fede. Yú hol gaa madeká hé tiiya-, gaalí hórkí gaa tune-, nyátáá tiiya hí ˈdú iđoká arge.

Kí Edhesiny 1:19

Aalé hé kuuní argiyyééllá ubaa hé káána yé ká ˈdeˈdeen-, tá héllé hí el gaa igiro-, bár ka chimetóótíá yé ká ˈdeˈdeenká warˈgát gaa véer.

Kí Edhesiny 11:12

Aalé gál naamáállá ˈdéé hót úr ˈdéé gáá hote-, gáál af gaa guđoká ki geeyche-, kieye, Úr mé ka náa, chieká maale. Gáál hátlé gállé hí ka kídhká hí dhaˈgameká gaal đo nyáˈdow ki kie, úr mé nie.

Kí Edhesiny 11:19

Aalé ˈBíl Waaˈgiet urruká gaalí af fure, sanˈdug he hol af iđiny-, Waaˈgiet-, ˈbíl gaa iđeká gaalí arge. Ir đo biirgime, ˈgeˈget sheesheenne, yaaˈde, les mootoonne, ír waar guguđoká ˈguoká ká tune.

Kí Edhesiny 16:17

Aalé máá ˈgasso-, urru-, ki tiiyaká kedmitlé idho Waaˈgiet hí gaa iđeká úr gáá okodie. Aalé ˈBíl Waaˈgiet karallé guchi-, hí gaa ijeká ˈdéé hót ˈdérká hí yé gáá ˈdiiyye, kieye, He hé đue! chie.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.