Kí Edhesiny 3:7 - Fayam Midhab Yiesu Kiristoká He Hol Af Iđiny Kaanaká

⁷ Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá:

Kí Edhesiny 3:7 ပူးပေါင်းရင်းမြစ်များ

Matááyo 16:19

Guch Uratiká kárle aflé gaalí ki fufuroká ha yú ko ká shigia. Ameeny hé kuun hí lésallá gaa điitoká hé úba Waag hí úratí gaa điite. Ameeny hé kuun hí lésallá iiy gaa cheetoká hé úba Waag hí úratí iiy gaa chie, Yíésu hí mú yie.

Matááyo 24:35

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin, Yíésu hí lalille yie.

Márko 1:24

Yíésu Nasaretallo, meete ke hol ká ˈgaa? Ha ká chimie, nyí af ki beđisata? Kúún yáá ko óg, kúún he Máá saas mán-, Waaˈgietká! yie.

Lúka 1:32

Mu máá ˈdúwaká hai yeedhe. Mú meenyle he Iny Waag Úr Iđoká. Máá Guđo Waag mú kara eshi eshimlé ˈDawuˈdká hai shigia.

Lúka 4:34

Hêy! Yíésu Nasaretallo, meete ke hol ká ˈgaa? Ha ká chimie-, nyí beđisáta? Kúún yáá ko óg, kúún he Máá saas mán-, Waaˈgietká! yie.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

He Ekeny Gál Alb Fimiká 3:14

It Máá saas mán-, ˈdúwa kinaallá điite. Itín máá gálaat yegieská gaalí yé kí ˈdeđieká hí feˈde.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

Kí Edhesiny 16:7

Aalé yú ˈdéé hót kúb suoryo-, álle yé gáá ˈdiiyyeká maale, ˈdéé hót kieye, Máá Guđo Waag fargogínt lulle ˈgúóllo, hé ˈduwa, yaalmit kuuní gálaat ˈdeem ki iđimichóóllá he yaalmit ˈdúwa-, tagléká, chie.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 19:2

mú ˈdéé ki iđinyle he hé ˈdúwa-, tagléká! Waag hé ˈjien guđo-, babasidhe-, héllé gaa nyakarichká les ki ˈdeeneyallá ˈdéé ki iđiche, hé gedelle fásle halalle ká niiyye, shalal hí chie.

Kí Edhesiny 2:1

Gál Kiristo ˈjien Efeso gaa ijoká máállé urru-, ˈgassoká ˈdeenyééllá ˈdú véer. Máá hidhino tiiya gíl ˈdaa naaniet ka ˈguo-, hé tiiya-, hórkí-, nyátáá tiiya hí ˈdú iđoká hurt gaa seseenká ˈdeenyle hééllá:

Kí Edhesiny 21:5

Aalé Máá kara guchiká ˈdú ijoká kieye, Bá dhaayyíe, yú he met lulle káána ha ká hođia. Mu geđi kieye, Hééllá lulle warˈgát gaa véer, ˈdaa giri ˈdeenyééllá he ˈdeeny ˈdúwa-, ˈduuwawká, ye yie.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 4:8

Hé luogol-, afurallá lulle kuol hí lelle, gónle ubaa kuolle lulle in biiy ki dhaˈgasanká hí kuˈd. Kulich ubaa chúúrélle hé árallá ˈdony ali ma kokony. Ár kieye, Máá Guđo Waag fargogínt lulle ˈguo-, kíssóótí ali ije-, káána ali ijo-, tá bár ka chiimetká úba ali ijoká he Máá ˈdúwa-, saas mán-, saas mán-, saas mánká! aar hí yie.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.

Kí Edhesiny 6:10

Gaal af ˈdérká ˈdéé ki hodhe, kieye, Máá Guđo Waag saas mán-, ˈdúwa-, les he gaa mumuróóllo, kuun amáre gál les ˈdú ijoká ˈdéé ki iđimicha, fáskínyo halalle ká nanniyya? yie.