Kí Edhesiny 3:4 - Fayam Midhab Yiesu Kiristoká He Hol Af Iđiny Kaanaká

⁴ Tá gál kíchia ˈbaal Sártis gaa ijóótíá đafaraamle hé ma muˈgâny. Gál kinaallá ˈdaa giri ki ˈdúwaká in đafaraam eegedh-, yú fadhdhééllá úba faadhdha, nyí hol ˈgar seseenne.

Kí Edhesiny 3:4 ပူးပေါင်းရင်းမြစ်များ

Matááyo 10:11

Aaléka, ˈjien ubaa ény hí ki fafaannaká, máá hí uroká ebitíe, mú ˈbílle gaa yíéđía, ˈjíig af giri he hí kím yegetká.

Márko 16:5

ˈDég uushich hilleká, máá ruorich đafar édhká kaadhdheká hí gíl ˈdaa naaniet ija, ˈdég birgiyye.

Lúka 20:35

Tá gál Waag hí gál ˈdúwaká ka dhaˈgasannoká bár ˈdaatika af giri gálaat uushim yiem gáá ˈdeˈdeen-, luolmit biiyoká higiloká hé af kinaallá hol ma shugunan,

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

Dhesaloníke ki Naamaká 1:5

Hééllá lulle Waag he hol eiy gaa nímle hát tagléká he gáál ká aargisia. Waag itín gál ˈdúwa-, hí Guchle higiloká hí ká dhaˈgasanna. Mú Guchlééllá ˈdaalle ˈdugaka in hí maanyjayya.

Yúúa 1:23

Gáál ˈjiet biiyoká af gáá saasaráa. Gáál ˈbaal hí geer guurá aargisichoká hol ˈgas met ˈdeeˈdemíe, gáál ađaabanolle hát sharim muˈgay-, ki ˈdug ma ˈdú chichiranká ka nebedhíe.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 11:13

Tá aadh ˈgás tikiˈde kinaal les súm mootoonne, ˈjien met tomon mé tikiˈd hí ˈgieˈgey, les ˈdane. Gáál shíí tiiya les motiny kinaal hí chies, tá gál ka ˈgiteká Waag Úr Iđoká kiadhe, ˈdúúw shie.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 19:14

Tá yuoy-, urru-, burnayye-, đafaraam ˈdabaan-, eegedh-, símis mánká faate-, fara eegedhká ˈdú iđoká mú el gaa igiˈda.

Kí Edhesiny 19:8

Ini Eliny hí egeetallá đafaraam ˈdabaan-, édh-, ˈjiimidat-, saas mán-, Waag hí shiicheká he faate, shalal hí chie. Đafaraam ini hí faatééllá hélle he Waag gállé he ekenyle ˈduuˈdúwaká.

Kí Edhesiny 3:18

Aaléka, hatallá ˈdée, hórkí ˈjiet hí ˈgeesiche-, óshor mánká ye gaa hidhdhíe, giri hí gál kaamúreká chegetoká. Đafaraam eegedhká ye gaa hidhdhíe, giri hí fafaat-, hí búr ma iđiny-, kern hí ma ˈgiˈginká. Sáláb ˈgór ˈgayyoká úba ye gaa hidhdhíe, giri sáláb kinaal hí in gaa liliat-, hí biiy gaa aargiˈdaká.

Kí Edhesiny 3:5

Máá hé lesalloká ká adhatká hát gaal ííníílláka đafaraam eegedhká hai faadhdha. Yáá máállá meenyle warˈgat luolmitiká ma gaa hogoliny, ˈJaachú ubaa gállé ˈgasso-, urruká metle mu hát mááchúká ha yú gaa hogodho.

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 6:11

Gálallá đo Waag hí gielo eegedhká eiy taat shiiche, Waag hí geeyche, giri gaal á níínni mare yíéđian-, ˈdaab gáál nyaaramlé-, Kiristo-, les gaa ijo-, hát gaal íínka gede Waaˈgietallá ˈdáblé gaalí gaa yegeská úba gaalí ma gaa yíésinyká.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.