Kí Edhesiny 3:3 - Fayam Midhab Yiesu Kiristoká He Hol Af Iđiny Kaanaká

³ Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.

Kí Edhesiny 3:3 ပူးပေါင်းရင်းမြစ်များ

Matááyo 25:13

Aalé Yíésu hibéél beeteká, gáál geey, kieye, Itín úba tág ˈdée, Máá kíchia Guđoká kúlíchlé gáá yiimetká ubaa aadh ˈgáslé gáá ˈjeenká it muog, gáál yie.

Márko 13:33

Biiy ˈdeeˈdemíe, haí mé les ki gân! Hééllá lulle kúlích ali kí ˈdeˈdeenká ití muog.

Márko 13:36

Hátlé hí ram gaa iiyya-, mú hí met muogká ha muí af kí ˈdíiny.

Dhesaloníke Erká 5:2

Hát káána máá buraalléká aflé buraa ká iyaanká ke muogallá, in úba kúlích Máá kúnnaa Guđóóllá hí gáá ˈjeˈjeenká ke muog. Hé kinaallá it tág óg.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Héberew 2:1

Aaléka, fayam ˈdúwa-, ki maalééllá, kí hát ˈdabaanká mé ká ˈguo, ha ki ˈbóy gaa ˈdíiny.

Bétiro ki Naamaká 1:13

ˈDaab yú les ˈdug ˈdú ijóóllá, hééllá yú hí táb kí gagadhokáka taglé.

Bétiro ki Naamaká 3:1

Sheel chia yú gielallo, hééllá he warˈgat chia ki naama-, yú hí ˈdú gáá veereká. Warˈgasamééllá yú hí ˈdu ˈgáá veerééllá yú haí gogofsia, giri kas ˈdúwa-, Waaˈgiet hí ˈgayyaká yú hí táb kí gagadhoká.

Bétiro ki Naamaká 3:10

Máá kúnnaa Guđoká kúlíchlé gáá ˈjeˈjeenká hát kúlích ki met muog-, máá buraalléká hí gáá ˈjeˈjeenká. Ur hai yaarma, mán hai yeedhe. Les ubaa héllé hí gaa ijoká lulle ˈjiet haí ˈjeenne, ˈjiet af haí ki shugunata.

Kí Edhesiny 16:15

Yíésu kieye, Bá dhaayyíe, yú hát máá buraallé-, aadh ˈgas hí muogká gáá ˈjeˈjeenká ha gáá ˈjeeme, yie. Máá ˈdeyeen-, đafaraamle ˈguo-, giri gele mantle gálaat hí ma aargiriny-, kern hí ma ˈgiˈginká ebá Waag hí ˈdú ˈjiiy!

Kí Edhesiny 2:25

Tá, ˈdaab yú hol ma ka náanká, iiy yeen hí ye ká ˈgayyáállá tág chiˈdíe.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.

Kí Edhesiny 22:7

Yíésu kieye, Bá dhaayyíe, yú ˈjobintééllá ha gáá ˈjeeme. Máá ˈdeeny Waag gáá yimie-, warˈgatééllá gaa ijóóllá el gaa veeroká ebá Waag hí ˈdú ˈjiiy! yie.

Kí Edhesiny 3:11

Yú ál ˈjóbo gáá yiimedhe. Hé hí ˈgayyaká tág chiˈdíe, giri hé shiicho Waag hí shigichoká máá níínní hí ka riatká mánká.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!

Kí Edhesiny 3:2

In eiy ˈdeeyyíe, iiy yeen kíchia hí kí ˈgisatééllá hátlé el met hí ma ˈgínnallá hirayyíe. ˈDaakíchoka hé yú argeká, hújích hí nanniyyóóllá innum Waaˈgietka hé tagle muuniny.