Kí Edhesiny 3:21 - Fayam Midhab Yiesu Kiristoká He Hol Af Iđiny Kaanaká

²¹ Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.

Kí Edhesiny 3:21 ပူးပေါင်းရင်းမြစ်များ

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Yuána 13:32

Waag mú ki ˈduwayyeka, af kinaalka Waag íín đo ál ˈjob mú hollo hol ki ˈduuwaycha.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Tímote ki Naamaká 2:12

Muun ke mé ki chirteka, mú guchle áwle mú he ˈgarro ke hol mumura. Muun ke mú điidheka, mu úba hai gáál điidhma.

Kí Edhesiny 1:6

Mu hé muun gáál gugúch koy, gáál gál mú ˈJaallé Waag hujich ki nannuoká hoy. ˈDuuw ubaa gúch taalle bííyyo hí mú hélle yeet. Iiy-hí, he hí hát kinaallá yeet.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 20:6

Máá uushim yé gáá ˈdím erkoballá gaa ijoká ebá Waag hí ˈdú ˈjiiy! Mu he Waag máállé. Gálallá hé kúfách ki naamaká hí fargogintle mán, gaal Waag ubaa Kirísto gállé hí hujich ki nannuoká hai yeedhe, warram shíí tikiˈd Kirísto he ˈgarro hol mumura.

Kí Edhesiny 5:10

Tá kó gálallá gál guchkú léká ubaa gál Waag hujich ki nannuoká hoyche. Gálallá lesso he gaa mumura, aar hí yie.

Kí Edhesiny 6:2

Yú fuˈjieká fárích édhká arge. Farich máá hí ˈdú ijeká ˈbadá ˈgaa, mú Waag hí shóte guchiká shiiche, mu đo hát máá oos ka aađaatká ká sedhe.

Kí Edhesiny 7:17

Élíny giri kara guchiká álle yaalká gáál máállé hí ˈdeˈdeenká hai yeedhe. Mu gáál haˈdam bíé luolmitiká hí gáá fefeenká gáál hai ˈdú egedhdhe. Waag gáál imiro lulle hai gaa shugudmicha, karsich hí yie.