Kí Edhesiny 3:19 - Fayam Midhab Yiesu Kiristoká He Hol Af Iđiny Kaanaká

¹⁹ Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!

Kí Edhesiny 3:19 ပူးပေါင်းရင်းမြစ်များ

Matááyo 25:7

Aalé hada giri tomonká lulle les gaa kie. Gaal nyátáálle tagano kokodhdhe-,

Yuána 2:17

Mú lalille đo ˈdeeny Warˈgat Waaˈgiet hí hote-, giri kieye, ˈGat yú ˈbílkú ka ˈguoká chiralle hé tág ye chies, chieká, hí táb ká ˈjie.

Róóma 12:11

Gon síg hayyíe, gúóf ˈgáa, hodhinaam gálle hújích Máá kúnnaa Guđoká hát ˈdabaanká nannuoká ˈgáa.

Korínto Erká 11:32

Tá Máá kúnnaa Guđoká gáál ˈdeentééllá, mu afo gáál tataa, giri gál lesalloká ˈdeenylé muí ki iđimuoká muí muun gáál ma ki iđiminyká.

Korínto ki Naamaká 6:9

Nyiin he gál gálaat hí ógká, kor gáál ˈbaal gál éésh mánká nyí ká dhaˈgama. Kufach har káána úba nyí igiroka, nyáá nyí hátle luogol. Gaal har úba nyí tutuneka, nyáá nyí ma kúfiny.

Korínto ki Naamaká 7:11

Tá bá dhaayyíe, ger gaa ˈdeenen Waag hí ki feˈdééllá, hát hí hé midhabká hí yé ˈdú ˈdeeychééllá, it argiyye? It góf hé tagléká ekemeycheká ˈgayye. It Waag hí ˈdeđenseteká ma fédiny. It hé hurtkícho yé gáá ˈdieká ˈdú idhanne, he il ká argisinyle kiate, ađaab kinaal hí hol yé gaa ˈdeđicheká it úba feˈde, hí ki ˈgađasanne. It máá he ˈdeeney kinaal ˈdéé ki iđiche. It ˈdeenyééllá Waag innumle hát tagléká gaa beesete.

Galátia 4:18

Tá hé midhabká ˈdaalle ke ˈdú ˈgađasanka hé midhab. ˈGat kinaallá af giri yú ke hol af ijoká tákámle haí ˈgađáminy, aadh lulle hé midhabká ˈgatle ˈgaađamíe.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.