Kí Edhesiny 3:14 - Fayam Midhab Yiesu Kiristoká He Hol Af Iđiny Kaanaká

¹⁴ Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 3:14 ပူးပေါင်းရင်းမြစ်များ

Yuána 1:3

He met lullé Waag hí ká kuonnééllá mú ˈdaallé he ká nadhe, ki ija. Máállá muuninyka, he met lullé úr ubaa les gaa ijóóllá hé onnônyka mán.

Yuána 8:14

Aalé Yíésu gáál ˈdéé hol ˈdú nie, kieye, Har káána yú hol ˈduuwchú ˈdú hogodhoka, ˈdaa giri yú ál gáá yimieká ubaa ál seseenká ógká, hol ˈdúúw ˈdú huogon chiallá hé ˈdúwa. Tá itín íín it ál yú gáá yimieká ubaa ál yú seseenká muog.

Korínto ki Naamaká 1:20

He lullé Waag hí muun gáál af iđichééllá hé Kirísto hí ˈduwasie, in ke mú af ˈdúúw hođita, ki iiy-hí yegedhe. Héétí úba ˈdaa Kiristoka, muun, Iiy-hí, he hí hát kinaallá yeet, ke yegedhe, giri Waag hééllá ˈdúúw gaa egeetoká.

Kolosááya 1:15

Waag ki ma arginyallá Inylé Kirísto ke argeka, hát hé ke íín arge. Iny íínííllá he lullé Waag hí ka kuonnééllá máállé hí mé ki yaalká.

Kolosááya 1:18

Mu ííni Ínyííllá he gon mé. Gónallá he gál mú iiy yieká. Mu íín dhúrle he mé gáá koon. Gál uushim yiem gáá ˈdeˈdeenká máállé méteká he mu ííni, giri he met lulle mé ki yaalká.

Kolosááya 2:1

Aaléka, itín ubaa gál nyaaram ˈjien Lauˈdikew gaa ijoká, tá gál nyaaram kálta innumchú ma árginyká, laat chia yáálle ˈdaakíchoka hí hát ˈdabaanká ˈdú lađaanallá hí kiimisatoká yú fede.

Kolosááya 4:16

Warˈgatééllá hí tuoycheka, gál Kiristo Lauˈdikewká úba hí tuoyo. Héétí warˈgat chia yú gál Kiristo Lauˈdikew ˈdú layká úba tuoyyíe.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 2:1

Gál Kiristo ˈjien Efeso gaa ijoká máállé urru-, ˈgassoká ˈdeenyééllá ˈdú véer. Máá hidhino tiiya gíl ˈdaa naaniet ka ˈguo-, hé tiiya-, hórkí-, nyátáá tiiya hí ˈdú iđoká hurt gaa seseenká ˈdeenyle hééllá:

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:13

Yú he Álfa ubaa Oméga, yú he Erkob ubaa Biiy El ˈDaˈd, yú he Mé Gáá Koon ubaa Biiy Ello.

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá: