Kí Edhesiny 3:11 - Fayam Midhab Yiesu Kiristoká He Hol Af Iđiny Kaanaká

¹¹ Yú ál ˈjóbo gáá yiimedhe. Hé hí ˈgayyaká tág chiˈdíe, giri hé shiicho Waag hí shigichoká máá níínní hí ka riatká mánká.

Kí Edhesiny 3:11 ပူးပေါင်းရင်းမြစ်များ

Korínto Erká 9:25

Ameeny gál đúla kirmisatká, hát lullé he lađama, hol fargoogonoyo, giri hé shiicho aargiroká. Hé shiicho gaalí aargiróóllá el met haí ˈgiidha. Tá múún iđiny kúnnaallá hát lullé ke gaa lađama, giri hé shiicho biiyo-, el met hí ma ˈgiˈginallá ke aargiroká.

Filíbi 4:5

Af gáá abuntkícho gálaat lulle hí argo. Máá kúnnaa Guđoká ˈjímle hé tág ˈjób.

Tímote ki Naamaká 2:5

Hát tikiˈdééllá máá đuuloká har đúla yaalmisanolle el ma gaa veerinyka, hé hé shiicho-, đuuloká ma aargiriny.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Yákob 5:9

Nyaaramchú, horróo! Máá gálaat ˈdéé ki iđimuoká ˈbíl af yaal. Haí hol shalal fafîny, Waag hí ˈdéé ki iđîny.

Kí Edhesiny 1:3

ˈDeeny Waag hí mú ka shiiche-, muí veerééllá máá hí gálaat ki tooyoká ubaa gál hí nee kokuo-, tá hí ki yaalká, ebá Waag hí ˈdú ˈjiiy! Hééllá bárlé yé gáá ˈdeˈdeenká hé ˈjób.

Kí Edhesiny 16:15

Yíésu kieye, Bá dhaayyíe, yú hát máá buraallé-, aadh ˈgas hí muogká gáá ˈjeˈjeenká ha gáá ˈjeeme, yie. Máá ˈdeyeen-, đafaraamle ˈguo-, giri gele mantle gálaat hí ma aargiriny-, kern hí ma ˈgiˈginká ebá Waag hí ˈdú ˈjiiy!

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 2:25

Tá, ˈdaab yú hol ma ka náanká, iiy yeen hí ye ká ˈgayyáállá tág chiˈdíe.

Kí Edhesiny 22:12

Yíésu kieye, Bá dhaayyíe, yú ˈjobintééllá ha gáá ˈjeeme. Gálaat héllé eekemeyká eiyyo yú hol gaa nannaa. Gál hé midhabká eekemeyká hé shiicho ha yú shigia, gál hé ˈdeđewká eekemeyká íín he illo yú ká aargisia.

Kí Edhesiny 22:20

Máá ye kí edhesinyééllá kí edhesieká kieye, Iiy-hí, yú ˈjobintééllá ha gáá ˈjeeme, yie. Iiy-hí, he hí hat kinaallá yeet! Kó guđo Yíésu lééllo, ka yímet!

Kí Edhesiny 22:7

Yíésu kieye, Bá dhaayyíe, yú ˈjobintééllá ha gáá ˈjeeme. Máá ˈdeeny Waag gáá yimie-, warˈgatééllá gaa ijóóllá el gaa veeroká ebá Waag hí ˈdú ˈjiiy! yie.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.

Kí Edhesiny 4:10

gál káru tomon naama a afurká Máá kara guchiká ˈdú ijo-, taalle bííyyo ali ijóóllá met les gaa ˈdarama, mú memeye. Gaal shotamlé hórkíká kara guchííllá met fafaa, áár ˈdarama, kieye,

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.