Kí Edhesiny 3:1 - Fayam Midhab Yiesu Kiristoká He Hol Af Iđiny Kaanaká

¹ Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.

Kí Edhesiny 3:1 ပူးပေါင်းရင်းမြစ်များ

Lúka 15:24

Iny chiallá érléká hai kufe, yú yie, káána lúol! Hai bađayyo, yú yie, káána hé yé ká ˈdie! íny ˈjaalle hí gedelle yie. Aalé gaal lulle aaˈdume.

Lúka 15:32

Kí aaˈduan, ger hí gáál gaa meet. Nyár kuallá érléká hai kufe, ke yie, káána lúol! Hai bađayyo, ke yie, káána hé yé ká ˈdie! muí inylé guđo kinaal yie, Yíésu hí gáál yie.

Yuána 1:16

Mú ˈdúˈjímlé-, ˈdúˈjím ke hemuumurít gaa argeká a mé iđóóllá hé muun lulkúnno gáál ˈdú ookoˈdmoote.

Yuána 1:33

Yú yáá onnônyka mú ma kiimísan, tá Máá ye ali gáá kaay-, kieye, Gálaat bie gim náánnaʼ, ye yieká, ye geey, kieye, Máá Hím Naasan Waaˈgiet úr gáá leletoká hí ˈdú yíéđiyyo-, argiyyoká, máá kinaallá he máá gálaat Hím Naasan Waaˈgiet gim nannuoká, hí ye yie.

Yuána 20:22

Mu hatal yieká đo Hím Naasanle gáál ki nie, kieye, Hím Naasan Waaˈgiet hí hillo.

Yuána 3:34

Máá Waag hí ali gáá kaayyeká ˈdeeny Waaˈgieto ˈdiyime. Waag Hím Naasanle hé mú ˈdú ookodmiche.

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

Eféso 2:1

Itín érlé-, hí Waag af đuˈdute-, hí ađaabano gaa seseenneká bár kinaalláka hí gál kufachiet.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Tímote Erká 5:6

Tá min hiyesidhe-, he fedit lesalloká tákámle mé higilsichoká har úba káána les ˈdug ˈdú iđoka, hé kuyye.

Yákob 2:26

Aaléka, gon sidh manítaka hát kuyyeká it óg. Hát tikiˈdééllá iiy yeen hé gaa ekemeychoká manítaka hai kuyye.

Bétiro Erká 1:11

Hé gaalí eiy naasanle fedeká he manyjasiny Kiristo yaalmisanolle ubaa manyjasinyle aleđuđugullé, tá hé ˈdúwa-, burnay-, midhab-, manyjasiny kinaal el gaa igiroká eiy naasanlé. Hím Naasan Kiristo gál kinaallá gaa iđeká hé gáál kíssóótí ˈdeem manyjasiny ubaa hé ˈdúwa kinaal geeyche.

Yúúa 1:12

Af giri gólol álle me hí hol gaa aargiroká, in gálallá hí ká higila, hí ˈdeđeneye. Gaal íín dhúrlé hol golmia, kern hí ma ˈgiˈgin. Gaal he hát nyáˈdow ír mán-, waanich hí hol gaa sisidhoká, ubaa hát ˈguor saano hí ma gáá higisiny-, hidh hí les gaa mánká. Gálallá he gál kúfach met naam il hí aargiˈdoká.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:16

Mú gíllé ˈdaa naanietká hidhino tiiya muí ká ˈgaa. Mú ageerle faaˈd órof-, af ˈdinnam hullaalle gáá alléká hí gáá fuoriche. Mú innumle hát aadh kír chieká.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 2:19

Yáá húgúm kíchia hí ˈgayya-, hát káána gielmít ubaa iiy yeen kíchia, héétí laat kíchia ubaa mé ki chirsan kíchia hí ˈgayyáállá óg. Húgúm kíchia midhab-, kaanallóóllá hát húgúm kíchia kissoká af yíé ˈdieká úba yáá óg.

Kí Edhesiny 2:2

Húgúmkícho ubaa símískícho, tá mé ki chirsankícho yáá óg. Héétí gál hé ˈdeđewká gaa sesemeká hát hí gáál héllé ˈdeđew kinaal mé ma yuyûnyká yáá óg. Gál gál alb fimiká hol ká hoy-, kor gál alb fimi-, muuniny kinaal, hát hí eiy naasate-, hí hođomle ka edhesicheká úba yáá óg.

Kí Edhesiny 2:9

Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.

Kí Edhesiny 3:15

Yáá húgúmkícho óg. It hát bíé abunaká muuninyal! Ubaa hí bíé kulaká muuninyal! Kalat hí bíé kulaká muuninyka, hí bíé abunaká onnônyka.

Kí Edhesiny 3:2

In eiy ˈdeeyyíe, iiy yeen kíchia hí kí ˈgisatééllá hátlé el met hí ma ˈgínnallá hirayyíe. ˈDaakíchoka hé yú argeká, hújích hí nanniyyóóllá innum Waaˈgietka hé tagle muuniny.

Kí Edhesiny 3:8

Húgúmkícho yáá óg. Bá dhaayyíe, yáá hí kar af kí fure. Kár kinaallá hé máá níínní hí af gaa kokuoká mán. Hát hí fargogint guđoká mánká yáá óg, tá it ˈdeenychú chirate, meenychú ma đíin.

Kí Edhesiny 4:5

Kara guchi kinaal édhúm birgachle gogo-, yaarít ubaa ˈgeˈget fargogoká hí yé gáá ˈdie. Kára metle nyátáá tiiya-, gaalí ˈjiet gaa iđimuoká hí gaa boloyye. Nyátáá tiiya kinaallá he hím naasan tiiya-, Waaˈgietká.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.