Kí Edhesiny 22:18 - Fayam Midhab Yiesu Kiristoká He Hol Af Iđiny Kaanaká

¹⁸ Ameeny máá ˈdeeny Waag gáá yimie-, warˈgatééllá gaa ijóóllá maaloká yú geeye, máá warˈgatééllá ˈdeenyle af ˈdú fafuoká, máá kinaallá hé gálaat ki ˈdeew-, warˈgatééllá gaa ijóóllá Waag il haí ká aargisicha.

Kí Edhesiny 22:18 ပူးပေါင်းရင်းမြစ်များ

Matááyo 15:13

Yíésu gáál geey, kieye, Ameeny ˈguor ˈJaa chia úr ijoká hí ma fíinyká, lulle ˈJaachú hidh ˈgar haí babaa.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Dhesaloníke Erká 4:6

Máádhat hai nyárlé Kiristoká hé hat kinaallóóllá ki ekêny, ki ˈdeenêny, ˈdaa giri hát ke hí il gíl gaa heliekáka Waag íín yaalmisano hatallóóllá lulle hala hollo hol gáá nanniyya.

Kí Edhesiny 1:3

ˈDeeny Waag hí mú ka shiiche-, muí veerééllá máá hí gálaat ki tooyoká ubaa gál hí nee kokuo-, tá hí ki yaalká, ebá Waag hí ˈdú ˈjiiy! Hééllá bárlé yé gáá ˈdeˈdeenká hé ˈjób.

Kí Edhesiny 15:1

Aalé yú hé éíy taaka-, guđo-, gáál af ˈdaˈdabsuoká úr gaa arge. Hé yú arge kinaallá he gál ˈgasso-, urru-, tiiyaká ubaa héllé met hí tiiya-, gálaat ki ˈdeew-, biiy el ˈdaˈd-, Waag idholle mé ˈgiidhuoká.

Kí Edhesiny 15:6

Ál súm ˈdúwa kinaallá gál giri tiiya-, ˈgasso-, urru-, hé met hí tiiya-, gálaat ki ˈdeewká ˈguoká hí yé gáá ˈdie. Gaal gielo gaalí kútá ˈjiimiˈdatká tagano gaa nieká fadhdhe, héétí saaw kírre horkiká ˈgayyoká ele ká ˈgaa.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 20:10

Aalé Sátan gáál nyimisatééllá Waag hí bás ˈjiete-, waar ˈjiet hí gaa boloonká hí gaa ijo-, álle bíních giri kach ˈguoká ubaa bíních máá Waag hí ˈdeem ka shigicheká hol ka hoyká hí gaa ijoká ki layye. Aalé gaal kulich ubaa chúúrélle taalle bííyyo hai maanyjaa.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.

Kí Edhesiny 22:10

Mu geđi ye geey, kieye, ˈDeeny Waag hí ko ká shigiche-, kuuní warˈgatééllá gaa veeˈdééllá ha káan, ˈdéé bárle hé ká ˈjobonte.

Kí Edhesiny 22:16

Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.

Kí Edhesiny 22:7

Yíésu kieye, Bá dhaayyíe, yú ˈjobintééllá ha gáá ˈjeeme. Máá ˈdeeny Waag gáá yimie-, warˈgatééllá gaa ijóóllá el gaa veeroká ebá Waag hí ˈdú ˈjiiy! yie.

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá: