Kí Edhesiny 22:16 - Fayam Midhab Yiesu Kiristoká He Hol Af Iđiny Kaanaká

¹⁶ Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.

Kí Edhesiny 22:16 ပူးပေါင်းရင်းမြစ်များ

Matááyo 1:1

ˈBíl íl Yiesu Kirísto ˈdalloká hátlé hol ka hoycheká hééllá: Yiesu Kirísto ˈbíl íl ˈDawuˈd giri Abirááyam yé gáá ˈdiiyyeká he yé gáá ˈdie.

Matááyo 2:2

Gaal gálaat heete, kieye, Veel ˈdalidhe-, kánsích gál Yuuˈdi yegetká ále he gaa ija? Nyiin mú hidhintlé ˈdaa baryo yé gáá ˈdiiyyeká nyí argiyye, in nyí ká chimie, giri nyí mú met les kurram gaa ˈdaraanna-, nyí mú ˈdúúw shigichaká, gaalí yie.

Matááyo 22:42

mu kieye, Ebá yú hí heete! Máá Waag hí kansím koyye-, Messíya lééllá he iny mááya? yie. Gaal mú ˈdéé hol ˈdú nie, kieye, Messíya he Iny ˈDawuˈdo, gaalí yie.

Matááyo 22:45

Aalé ˈDáwuˈd Messíya Máá chia Guđoká in yeedhe háluke, háteeye geđi Messíya hí iny ˈbíl íl ˈDawuˈd cheedhe? Yíésu hí gáál yie.

Lúka 1:78

Rúbách kinaallá Waagkúnno geer kurshamlé yé gáá ˈdeeme, édhum hai gáál shigia, hát giri aadh bur yé ká ˈdeˈdeenno-, gálaat gáá verenoká.

Lúka 20:44

Aalé ˈDáwuˈd Messíya Máá chia Guđoká in yeedhe háluke, háteeye geđi Messíya hí iny ˈDawuˈd cheedhe? Yíésu hí gáál yie.

Róóma 15:12

Máá Waag hí ˈdéé ká shigiche-, Yisááya léká úba kieye, Iny Yeshay ˈbíl ílle máádhat yíé haí gáá ˈdeeme, mu kidh kánsíchle hai yeedhe. Kidh mú máállé rubachietká hai hođita, yie.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Bétiro ki Naamaká 1:19

Aaléka, gál Waag hí ˈdeem ká shigicheká héllé ka veereká, ˈduuwle hé ki óg. ˈDeeny gaalí ka veere kinaallá onnônyka hát ˈdabaanká nee haí kooyyo. ˈDeeny kinaallá he hát édhúm bííy gaa ongʼoˈdeká gaa eedhesuo-, bííyle ká biˈdeka, hidh íín gerkícho súm gaa eedhesuoká.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 2:11

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká hé kúfách ki naamaká hát hí kuoká mán.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:11

Máá hé ˈdeđewká gaa seseenká hí héllé ˈdeđew kinaallá gaa seeseen, máá gaa nyakarichká hí hátlé gaa nyakarich kinaal gaa yíéđuo. Máá hé ˈduuˈdúwaká ekemeyoká hí héllé ˈduuˈdúwa kinaallá eekemeyo, tá máá Waag hílléká hí taalle Waag máálle yeet, yie.

Kí Edhesiny 22:20

Máá ye kí edhesinyééllá kí edhesieká kieye, Iiy-hí, yú ˈjobintééllá ha gáá ˈjeeme, yie. Iiy-hí, he hí hat kinaallá yeet! Kó guđo Yíésu lééllo, ka yímet!

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.

Kí Edhesiny 3:13

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo.

Kí Edhesiny 3:22

Máá nee ˈguoká hé Hím Naasan Waaˈgiet hí gál Kiristo geđichóóllá maalo.

Kí Edhesiny 3:6

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo.

Kí Edhesiny 5:5

Aalé đo gál káruká mú tikiˈd ye geey, kieye, Ha búony. Bá dháash, Lóch é meeny Yuuˈda-, gaalí Hídh ˈbíl íl ˈDawuˈd yegetká hé he lulle ká adhdhe. Mu warˈgát katlé tiiyaká hai babaa, warˈgát afo fuura, ye yie.