Kí Edhesiny 22:14 - Fayam Midhab Yiesu Kiristoká He Hol Af Iđiny Kaanaká

¹⁴ Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.

Kí Edhesiny 22:14 ပူးပေါင်းရင်းမြစ်များ

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 10:9

Yú he kar, máá ye ka naatká rubach hai aargira. Mu ˈdeey hai ká higila, kor yíé hai ˈdeeme, hai ˈdeedhme.

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 4:12

Kuun eshi eshim kínyaa Yákob giri nyí élallá ka shie-, íín ubaa umle tá aanyle élallá igimeká ha ˈdú guđínta? chie.

Korínto Erká 7:19

Máádhat hermíte yíekaʼ, má hermisan yíekaʼ, hééllá lulle hé kátaká mán. Hé muun gáál ki ˈdúwa-, ke ekemeyoká, he giri muun ke hemuumurit Waaˈgiet el gaa igiroká.

Korínto Erká 8:9

Aaléka, hol ˈdeeˈdemíe, mé furit kíchia itle hí he met lulle kokonyoká uˈdáállá hai gál kas hí ma hirânyallá ađaabano hilít mé ki kôny.

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.

Yuána Erká 5:3

Waag geelnen he Waag hemuumuritle el gaa igiriny. Mú hemuumuritlééllá hé gáál ílsh ma ˈdú iđiminy.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 21:12

ˈJien đír guđo-, ˈdér-, karafano hí tomon a naamaká ˈgaa, karafano lulle gál ˈgasso-, urruká taat hí af gaa ˈgee. Karafano émeet Yisirayel tomon a naamaká eiy taat meetle gaalí gaa veere.

Kí Edhesiny 21:27

Tá ˈjienééllá hé hé níínní ˈdúúw mán-, hí higiloká mán. Héétí máá hé gaa nyakarichká ekemeyo-, hódholléká hí ma higiliny. ˈJienééllá gál Waag hí meetle Warˈgat luolmiti-, Elinyiká gaa veeˈdeká tákáma hí higila.

Kí Edhesiny 22:2

War ˈjien ˈgíéríchle mé il ˈgar faanne. ˈGór luolmitiká war ˈdinnam hullaalle gáá ˈdie. ˈGuor wár tikiˈdeká af tomon tikiˈde a naama ki higisa, ˈguiyam lullé gaa higisa. ˈGuor kinaal neelle íín kidhdho he bibisia.

Kí Edhesiny 22:7

Yíésu kieye, Bá dhaayyíe, yú ˈjobintééllá ha gáá ˈjeeme. Máá ˈdeeny Waag gáá yimie-, warˈgatééllá gaa ijóóllá el gaa veeroká ebá Waag hí ˈdú ˈjiiy! yie.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.