Kí Edhesiny 22:11 - Fayam Midhab Yiesu Kiristoká He Hol Af Iđiny Kaanaká

¹¹ Máá hé ˈdeđewká gaa seseenká hí héllé ˈdeđew kinaallá gaa seeseen, máá gaa nyakarichká hí hátlé gaa nyakarich kinaal gaa yíéđuo. Máá hé ˈduuˈdúwaká ekemeyoká hí héllé ˈduuˈdúwa kinaallá eekemeyo, tá máá Waag hílléká hí taalle Waag máálle yeet, yie.

Kí Edhesiny 22:11 ပူးပေါင်းရင်းမြစ်များ

Matááyo 15:14

Gál Farisaayallá hayyíe, gálallá he gál bala maaman-, gállé bala maamanká gil met chichiratká. Tá máá bala mánká máállé bala mánká gíl mé chiˈdeka, gaal hullaalle đo ˈguoˈd hai ki okoˈde, muí gáál yie.

Matááyo 21:19

Mu kinnach ˈgierich atól gaa arge. Mu kinnach af ˈdú tameká, kinnach nee tákáma, hé erbit tikiˈd úba mán. Aalé mu kinnach geey, kieye, Kuun taalle bííyyo kó geđi um ma lalaminy, yie. Kinnach đo ali gaa gogoy.

Matááyo 25:10

Aalé hada giri đéeská kie, salab ˈdú made. Gaal hátle biiy ki laʼ, máá egeetká đo ali kí ˈdie, hada giri ˈdaallellé-, tagano ˈgieká đo mú hol eedhdhe, ˈbíl gaalí shien gaa kokuoká hol ˈgar hile, ˈbíl đo gaalí af gaa koy.

Matááyo 5:45

giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká.

Matááyo 5:6

Gál hát Waag hí feˈdoká kuoˈdle ubaa barmle hí yegeská hé Waag hí ˈdú ˈjeˈjeenno, Waag hí fafaˈgsicho.

Yuána 8:21

Aalé Yíésu geđi gáál geey, kieye, Yú ali ha gaa seeme, tá itín hollo hí ye hol gaa ˈgeˈgete, kor ađaabanokícho haí ki kufunanna. Ál yú mé nannuoká it hát níínní hí ka chimetká mán, gáál yie.

Eféso 5:27

Héétí mu gálle saas ubaa ˈdeensen-, tá he lullé hat kinaalloká ˈdaabo-, gaal ˈduuwaw-, mu gáál egeetká.

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 16:21

Héétí ír waar guguđoká ˈguo-, tikiˈd ilshamle hát wár ilishkáka úr gáá okoˈde, gálaat ˈdú ˈdane. ˈDaa giri ír waar ˈguo-, kinaal súm ˈdeewká gálaat Waag chaachare.

Kí Edhesiny 22:3

Biiy hé geđi hé níínní ˈdortó gim gaa ijoká mán. Kara guchi-, Waaˈgiet-, ubaa Elinyiká ˈjien kinaallá he gaa yaalla, tá Waag gedelle hujich haí ki nanniyya.