Kí Edhesiny 21:9 - Fayam Midhab Yiesu Kiristoká He Hol Af Iđiny Kaanaká

⁹ Aalé gál ˈgasso-, urru-, tiiya-, giri kedm tiiya-, hé biiy el ˈdaˈd-, tiiya-, hé gálaat ki ˈdeewká hí koch kochká ˈgieká mú tikiˈd ye ˈdu gáá yimie, ye geey, kieye, Káde, yú ko ini giri Élíny minle chegetká ká argisia, ye yie.

Kí Edhesiny 21:9 ပူးပေါင်းရင်းမြစ်များ

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 17:1

Aalé gál giri tiiya-, ˈgasso-, urru-, kedm tiiyaká ˈguoká mú tikiˈd ye ˈdú gáá yimie, ye geey, kieye, Káde, min guđo-, babasidhe-, biet burnayká ˈdug ˈdú iđóóllá ˈdeeny Waag hí ki iđimichóóllá yú ko ká argisia.

Kí Edhesiny 19:7

ˈDaa giri kúlích Eliny hí gaa egeetká ali kí ˈdiiyye-, mu inillé egeetká tág ká ˈdiiyyeká, kí geyyuo, ger hí gáál gaa meet, kí mú ˈdúúw shuo.

Kí Edhesiny 21:17

Hát aađa-, gálaat ubaa gál ˈgasso-, urruká hí he gil ki ekemeyóóllá mu ˈjien đírle gíl ki eekemey, đír ˈbúúl gúch gil hí kúd tikiˈde, tómón eiy afur a afur.

Kí Edhesiny 21:2

Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.