Kí Edhesiny 21:8 - Fayam Midhab Yiesu Kiristoká He Hol Af Iđiny Kaanaká

⁸ Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 21:8 ပူးပေါင်းရင်းမြစ်များ

Matááyo 10:28

Haí gál gon yeges-, sidh ma yegesinyká kikían. Máá fargogínt ˈguo-, gálaat gónle ubaa sidhamle yeges-, gáál ˈjiet biiyoká ki lalaanká kiikiadhíe.

Matááyo 25:25

ˈDaa kinaallá in yú ko ki kiadhe. Kuun kiiyyeká, bíre shíí tikiˈde-, ye ka shiicheká đo yú les ki ˈgodhe. Aaléka, bírekú lulle hállia, éew, yie.

Matááyo 8:26

Yíésu gáál ˈdéé hol ˈdú nie, kieye, It iiy yeen hí ninníil! Háteka hí seereyyéel? gáál yie. Mu đo les gaa kie, waanich ubaa huđum ki ˈday, biiy đo ˈgidhiche, ríg chie.

Márko 9:44

]

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Dhesaloníke ki Naamaká 2:9

Máá hemuumurit Waaˈgiet điidhééllá fargogint Satano kí yiimedhe, in he met lullé fargogínt ˈguo-, gálaat hí aargiro-, hí af ˈdaˈdabo-, hodhoká ekemeye.

Tímote Erká 4:2

Gál hođomlé-, hol gál ˈduuˈdúwaká hođúóllá hé gál hé ˈdúwaká ubaa hódhoká hol ká muogká yie.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.

Yuána Erká 2:22

Máá hódholléká he mááya? He máá kieye, Yíésu hé Messíya muuniny, yegetká muunîny? Máá hatallóóllá he Kirísto kídhíchlé. Máállá ˈJaa kúnnaa Waag ubaa Inylé Kirísto lééllá he điidhe.

Yuána Erká 3:15

Máá nyárle nébká, he hát máá nyárle yies. Tá hát máá níínní gálaat yeges-, nyuogich ˈguo-, kor luolmit biiyoká hí gaa iđo-, mánká, it óg.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Kí Edhesiny 14:10

máá kinaallá Waag idholle ˈduunylé kamadhe-, Waag kulullé idhoká gaa ijoká hai igima. Máá kinaallá Waag gállé ˈgasso-, urruká ubaa Élíny metle ˈjiet ubaa waar ˈjiet hí gaa boloonká haí maanyjasia.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 2:11

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká hé kúfách ki naamaká hát hí kuoká mán.

Kí Edhesiny 2:2

Húgúmkícho ubaa símískícho, tá mé ki chirsankícho yáá óg. Héétí gál hé ˈdeđewká gaa sesemeká hát hí gáál héllé ˈdeđew kinaal mé ma yuyûnyká yáá óg. Gál gál alb fimiká hol ká hoy-, kor gál alb fimi-, muuniny kinaal, hát hí eiy naasate-, hí hođomle ka edhesicheká úba yáá óg.

Kí Edhesiny 21:27

Tá ˈjienééllá hé hé níínní ˈdúúw mán-, hí higiloká mán. Héétí máá hé gaa nyakarichká ekemeyo-, hódholléká hí ma higiliny. ˈJienééllá gál Waag hí meetle Warˈgat luolmiti-, Elinyiká gaa veeˈdeká tákáma hí higila.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.

Kí Edhesiny 9:17

Fara ubaa gál hí ˈdú ijeká yaalmisanollé yú argeká hééllá: Gál fára ˈdú ijeká ˈbermlé sibilaamká bís tikiˈd hí búr, tikiˈd ˈgiléeb, tikiˈd ráar. Fára metle hát met lua, afle ˈjiet ubaa éér tá waar ˈjiet hí gaa boloonnoká hí yé gáá ˈdeˈdeme.

Kí Edhesiny 9:21

Gaal hé úba gálaat oosle ubaa gilka he nímle, tá herginy gálle hol ma shúúnanká, héétí buraa má hâny, Waag bala ma ˈdú níiny.