Kí Edhesiny 20:4 - Fayam Midhab Yiesu Kiristoká He Hol Af Iđiny Kaanaká

⁴ Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 20:4 ပူးပေါင်းရင်းမြစ်များ

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Matááyo 24:10

Gál burnay-, ye iiy yieká el af hai ye gaa taama, gaal gál ye iiy yeen ka ˈguoká hai neebeedhe, gáál hem hai gaa siidha.

Márko 6:16

Heróˈde héél maaleká kieye, Yuána giri yú mé gaa mureká hé ˈguoˈd yé gáá ˈdie, yie.

Márko 6:27

Aalé máá giri kansichká đo máá yuoyoká ali gaa kaay, mú ˈdéé ki mure, giri meeny Yuana muí ká siidhoká. Aalé máá yuoyo kinaal ˈbíl hiiginká sedhe, Yuána mé gáá muˈde,

Márko 9:11

Aalé gaal mú heete, kieye, Háteka gál nyatalaamká kieye, Elíya gon er hai ká yiimedhe, yegetal? yie.

Lúka 1:17

Mu Hím Naasan ubaa fargogint Waaˈgiet tikiˈde máá Waaˈgiet Elíya hí ˈgieká hai aargira, mu Máá Guđo Waag met hai ká naadha, giri mu idhaam kasle hol gaa lalaan-, gaal ubaa umle hol higiloká. Mu gál ˈdeeny Waaˈgiet nee ma kokonyká hollo hol gaa laama, giri gaal ˈdaalim gál ˈdúwa-, Waag kikiatká ˈdeenyle iiy yeetká. Mu Máá Guđoká gál hí iiy yegetká met tág hai kokoo, máá ˈgasso-, urruká hí yie.

Lúka 14:14

Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Yuána 14:19

Aleđuđugul gálaat hí ye ma gaa aargirinyká hé ma faganany, tá itín geđi haí ye aargiˈda. ˈDaa giri yú ali ijoká itín úba taalle ali haí iđa.

Róóma 11:15

Waag ubaa gál Yuuˈdi hol eiy gaa ˈgisanlééllá, in kidh les gaa ijóóllá kár Waag hol ki higiloká shiiche. Aalé gál Yuuˈdi af giri Waag hol higiloká ebá mídhab! Hé kinaallá he hát gál kufe-, geđi loolnodheká muuniny?

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Tímote ki Naamaká 2:12

Muun ke mé ki chirteka, mú guchle áwle mú he ˈgarro ke hol mumura. Muun ke mú điidheka, mu úba hai gáál điidhma.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 11:11

Aalé kulich seđ tá kúlích éíy taaka mé ˈdáá tikiˈd kinaal hí ˈgiteká, hím niiny luolmiti-, Waag yé gáá ˈdiiyyeká gál naamáál hille, in gaal les gaa kie, lođaat ˈdie, tá gál gáál argeká sierm guđoká hí faanne.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 11:3

Aalé yú gál chia naama-, gálaat ˈduuwchú geđuoká ha haađia, giri gaal sharim fafaat-, gaal ram shíí tikiˈd, kúˈd eiy naama, tómón eiy le ˈdeem yú shiguoká gálaat ki ˈdiyeenká, Waag hí ye chie.

Kí Edhesiny 11:7

Aalé af giri gál naamáállá ˈdeenylé Waag hí ká shiicheká lulle huogodheká, bíních ˈguoˈd gaa ˈdér-, el mé mánká yé gáá ˈdeˈdeenká hai ká ruuma, gáál hai ká aađadhdha, gáál hai yeese.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 14:11

Gál bíních kach ˈgúóllá ubaa binich yaalmitlé metle les kurram gaa ˈdaraan-, memeyo-, tá binich meenyle gúíyle gaalí guguoká iiy yegetká hé kulich ubaa chúúrélle héf ma ˈgiˈgisan, ˈjietlé hí manyjasichoká érle taalle bííyyo hai kekeme, muí yie.

Kí Edhesiny 15:2

Aalé yú đo hé hát bás ˈjiimidat-, bíélle ubaa ˈjiet hol warameká arge. Bas gál bíních giri kach ˈguoká ubaa yaalmitlé gaalí tág nieká met les kurram gaa ˈdaraanká điidhe-, binich meenyle túoyle gaalí guguoká úba điidheká hí ˈdú ˈgee. Gaal hé gaalí áár ki ˈdaraan-, Waaˈgietká gil ká ˈgaa.

Kí Edhesiny 17:8

Bíních kuuní argiyyééllá hé kis ali ije, kor káána hé mán, tá bár ˈdaatika ˈguoˈd gaa ˈdér-, el mé mánká yé hai gáá ˈdeeme, állé he il hí gaa aargiˈdoká mé hai nannaa. Aalé gál les ˈdú ijo-, Waag hátlé les ma ka kúóninyká meetle Waag hí warˈgat luolmitiká ma gaa véérinyká bíních kach ˈguo-, kis ali ije-, tá kufe-, geđi yé ka ˈdeˈdeenká argeka he af hai ˈdaaba.

Kí Edhesiny 2:26

Máá hé lesalloká ká adhat-, hé yú fedoká ekemeyoká, máá kinaallá kansim giri kidh mé ki yaalká ha yú shigia.

Kí Edhesiny 20:6

Máá uushim yé gáá ˈdím erkoballá gaa ijoká ebá Waag hí ˈdú ˈjiiy! Mu he Waag máállé. Gálallá hé kúfách ki naamaká hí fargogintle mán, gaal Waag ubaa Kirísto gállé hí hujich ki nannuoká hai yeedhe, warram shíí tikiˈd Kirísto he ˈgarro hol mumura.

Kí Edhesiny 22:5

Biiy hé geđi ma chuchurany, tá ˈdaa giri Máá Guđo Waag íín he gáál édhúmléká gaal hé geđ nyátáá édhúmle ubaa aadh édhúmle ma hegesen. Aalé gaal taalle bííyyo lesso he gaa mumura.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.

Kí Edhesiny 7:3

ˈDaab Waag gedelle ke met bala ma gúinyká les ubaa bás, tá ˈguor haí ˈdeenêny, muí gáál yie.