Kí Edhesiny 20:3 - Fayam Midhab Yiesu Kiristoká He Hol Af Iđiny Kaanaká

³ Mu úba Sátan ˈguoˈd gaa ˈdér-, el mé mánnallá ki lay, mú ˈguoˈd af ki koy, ˈguoˈd af saale, giri ˈdaab warram shíí tikiˈd ma béenyká Sátan geđ kidh ma nyiimisanká. Warram kinaal beeyka, Sátan rám mákárta-, iraam mánká Waag haí gaa fuuˈda.

Kí Edhesiny 20:3 ပူးပေါင်းရင်းမြစ်များ

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 27:66

Aalé gál guguđo-, suoryóká ubaa gál Farisaayká yuoy hol eedhdhe, sedhe, nyátáábá ˈguoˈd liishká af gaa tielká af yies, gál yuoyóká ál kinaal ki hay, giri gaal uushich ˈdeˈdeenká.

Márko 4:15

Gáál ˈdáá tikiˈd yaalmit giri ˈdeeny Waaˈgiet ki mamaloká he hát ár ˈgierich af ki okoˈdeká. Gaal ˈdeeny Waaˈgiet maaleka, ál tikiˈde kinaal Sátan đo hai ká chimie, gáál ˈdéé hai gaa bađisiche.

Lúka 8:31

Aryaan giriká Yíésu gil ki efiyye, giri muí he ma ki muuriny-, ma keeminy-, ˈguoˈd gaa ˈdér-, el mé mánká ma higilinyká.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Bétiro ki Naamaká 3:8

Sheel chia yú gielallo, tá ˈdéé umutééllá haí in ka bađâny: ˈdaa Máá kúnnaa Guđokáka, kulich tikiˈd he hát warram shíí tikiˈde, tá warram shíí tikiˈd he hát kulich tikiˈde.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 17:2

Minnééllá he min les gállé kaansúoká hí baltle ˈguo-, hí bala ˈdú nie-, gaal Waag gíl sug ki hayká. Min kamurlé gáál ˈdú lalaatoká ˈduunyle gál les ˈdú ijoká hí ˈjie, gáál fame, muí ye yie.

Kí Edhesiny 17:8

Bíních kuuní argiyyééllá hé kis ali ije, kor káána hé mán, tá bár ˈdaatika ˈguoˈd gaa ˈdér-, el mé mánká yé hai gáá ˈdeeme, állé he il hí gaa aargiˈdoká mé hai nannaa. Aalé gál les ˈdú ijo-, Waag hátlé les ma ka kúóninyká meetle Waag hí warˈgat luolmitiká ma gaa véérinyká bíních kach ˈguo-, kis ali ije-, tá kufe-, geđi yé ka ˈdeˈdeenká argeka he af hai ˈdaaba.

Kí Edhesiny 20:1

Aalé yú máá urru-, ˈgasso-, úr gáá leledho-, ˈguoˈd gaa ˈdér-, el mé mánká kúlfílle ubaa nyárug guđoká gíl ka ˈguoká arge.