Kí Edhesiny 2:9 - Fayam Midhab Yiesu Kiristoká He Hol Af Iđiny Kaanaká

⁹ Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.

Kí Edhesiny 2:9 ပူးပေါင်းရင်းမြစ်များ

Matááyo 4:10

Yíésu đo Sátan geey, kieye, Sátan, ye innum gaa sí, Warˈgat Waaˈgiet hé hoteká kieye, Máá kua Guđo Waag tákámle viivíso, met gaa keekémo, he chie, Yíésu hí Sátan yie.

Lúka 12:21

Aalé Yíésu hibéél beeteká kieye, Máá hol kaamurasuo-, kor íín kamur Waaˈgiet mánká, máá kinaallá hát máá hí hibééllá gaa maalleká, yie.

Lúka 22:65

Gaal hé éíy burnay-, chaarimká úba mú ki huogodhe.

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Lúka 6:20

Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

He Ekeny Gál Alb Fimiká 26:11

Af burnayká yú ény ˈdiiyiminyká af gaa verene, giri gál Yíésu iiy yieká gaalí he ki ekemeyoká. Yáá úba gáál he ˈdú momoy, Meeny Yiesúúllá điidháa! gáál yegie. ˈDaa giri yú gáál ˈdeemléél súm geer ki sisidheká, in yú úba bííy eiy ˈjienle met nannie, gáál he ki ekemey, Báulo hí Agiríba yie.

Róóma 12:12

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Róóma 2:17

It halúg hí gál Yuuˈdi-, hí kerka hí hemuumurit Waag hí shiicheká hát ˈdabaanká ki ˈgiiyya-, hí hol memeyche-, hí Waag gálle hol chegetóol!

Róóma 5:3

Hé ke hé kinaallá tákámle ma gaa geyyiminy, manyjanykúnno úba ha ki gaa geyyime, ˈdaa giri manyjany hat mé ki chirsan yé ˈdú ˈdeˈdeennoká ki ógká.

Róóma 8:35

Mááya muun gáál gielmit Kirísto hí muun gáál ka ˈgúóllá gaa ˈgiidhia? He in hé il hí gáál aargiˈdokâ, ebá tawuny ˈgany? He in manjasiny muun gaalí gáál manyjasuokâ? He in kuoˈd ˈgany ubaa geleem mánti? Ebá he in oos ubaa kúfach?

Róóma 9:6

Aaléka, gál Yisirayel burnayká ˈdúˈjím Waag hí gálle af iđicheká ma árginyallá, he in kieye, Waag he af iđinyle hé ma ˈduwânyo ke yeedhe? Híʼi, he kieye, gál kídh Yisirayel yé gáá ˈdíéllá ˈbaal tákáma he gál Waaˈgiet, yegedhe.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Korínto ki Naamaká 8:2

Gaal har úba manyjasiny guđoká il hí aargiˈdo-, gál he maamanká úba kátaka, hé tág ger hí gaa meedhe, in ger gaa meen kinaallá gáál ger gaa ˈdabínt yé ˈdú ˈdeeyche.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Dhesaloníke Erká 3:4

Af giri muun ke hol af ijeká, manyjasiny hatallóóllá hát lulkúnno il hí gáál aargiˈdoká hé ki hí geey. In káána hát hí óg kinaal, he hát kinaal ˈdie.

Tímote Erká 1:13

Har káána úba kíssóótí yú mú chachare-, gál mú iiy yieká úba egeshey-, gáál maanyjasieka, mu hé ye geer guurá argisie. Mu ye geer guurá argisíéllá, he ˈdaa giri hééllá yú ekemeyká yú mú moonnoy-, mú iiy ma yéenká.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 2:2

Húgúmkícho ubaa símískícho, tá mé ki chirsankícho yáá óg. Héétí gál hé ˈdeđewká gaa sesemeká hát hí gáál héllé ˈdeđew kinaal mé ma yuyûnyká yáá óg. Gál gál alb fimiká hol ká hoy-, kor gál alb fimi-, muuniny kinaal, hát hí eiy naasate-, hí hođomle ka edhesicheká úba yáá óg.

Kí Edhesiny 2:24

Tá it hí Dhayatíra gaa iđa-, hí he onisiny hodho-, gaalí Sátan héllé geer geđiká yegetallá el ma gaa véérinyatíá ha yú hí geey, yáá hí ilsh éíy taakaká ma ˈdú iđiminy.

Kí Edhesiny 3:9

Bá dhaayyíe, gál ˈbíl ˈdiiyiminy Satanká hođomlé-, hol gál Waaˈgiet yeget-, kor gál Waaˈgiet muuninyallá héllé yú ki ekemeyoká onnóo. Gáál ha yú ká egee, gaal metkícho les kurram hai gaa ˈdarama, gaal hát yú hí gielká hai kiimita.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.