Kí Edhesiny 2:7 - Fayam Midhab Yiesu Kiristoká He Hol Af Iđiny Kaanaká

⁷ Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 2:7 ပူးပေါင်းရင်းမြစ်များ

Matááyo 11:15

Máá nee ˈguoká hí hééllá maalo.

Matááyo 13:43

Gál giri Waag gálléká ˈJaa kúnnaa Waag Guchle hai gaa yíéđima, hát aadhka hai ˈjiimiˈda. Máá nee ˈguoká hí hééllá maalo, Yíésu hí lalille yie.

Matááyo 13:9

Aaléka, máá nee ˈguoká hí hééllá maalo, Yíésu hí gáál yie.

Márko 4:9

Aalé mu gáál geey, kieye, Máá nee ˈguoká hí hééllá maalo, yie.

Márko 7:15

Hé níínní baaˈd gáá yiimet-, máádhat higilo-, mú ˈdeđeneyoká mán. Máádhat hé geer ki taawuo-, af gáá hogodhoká in hí ˈdeđeneye, yie.

Márko 7:16

[Máá nee ˈguoká hí hééllá maalo.]

Lúka 23:43

Yíésu mú ˈdéé hol ˈdú nie, kieye, Yú ko hé ˈdúwaká geeye, kúún kúlíchallá ubaa yú ál geyyietká ha ke gaa yíéđima, mú yie.

Lúka 8:8

Ár giri muí ál maal hí midhabká gaa fieká ká ˈdie, ˈdale, đuoram hí kúˈd yie, Yíésu hí yie. Aalé mu gáál hibéél geeyká mu af úr ki eey, kieye, Máá nee ˈguoká hí hééllá maalo, muí gáál yie.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Korínto Erká 2:10

Tá múún ˈdaalimééllá Waag ˈdaa Hím Naasanlé hí gáál eiy kí niiyye. Hím Naasan Waaˈgietallá in he met lulle ˈgas og, úba hé geer geđi Waaˈgietká og.

Korínto ki Naamaká 12:4

Mu ál geyyiet kinaallá ˈdeeny súm ˈdúwa-, máádhat hát níínní hí hodho mán-, huogonle Waag hí mú ma shíinyká maale.

Yuána Erká 2:13

It idhaamallo, hééllá yú hí ˈdu gáá verenóóllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá verenóóllá he ˈdaa giri hí máá ˈdeew-, Sátanlééllá ká adhateká.

Kí Edhesiny 13:9

Máá nee ˈguoká hí hééllá maalo.

Kí Edhesiny 14:13

Aalé yú ˈdéé hót úr gaa maale, ˈdéé hót kieye, Hééllá warˈgát gaa véer: Káána ubaa biiy met ki suoyyééllá gál iiy yeenlé ˈdaa Máá Guđo Kirísto ka ˈguoká ˈdaalleka gaal hí yegeská ebá Waag hí ˈdú ˈjiiy! chie. Aalé Hím Naasan Waaˈgiet kieye, Iiy-hí! Gálallá laatlé lađaanallá hefle hai ˈgiita. Gálallá húgúmle ˈduuwle hai hogodho.

Kí Edhesiny 15:2

Aalé yú đo hé hát bás ˈjiimidat-, bíélle ubaa ˈjiet hol warameká arge. Bas gál bíních giri kach ˈguoká ubaa yaalmitlé gaalí tág nieká met les kurram gaa ˈdaraanká điidhe-, binich meenyle túoyle gaalí guguoká úba điidheká hí ˈdú ˈgee. Gaal hé gaalí áár ki ˈdaraan-, Waaˈgietká gil ká ˈgaa.

Kí Edhesiny 2:11

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká hé kúfách ki naamaká hát hí kuoká mán.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.

Kí Edhesiny 21:7

Máá hé lesietká ká adhatká hé yú hogodhóóllá hai aargira, yú mú Waagle hai yeedhe, mu íín veelchú hai yeedhe.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.

Kí Edhesiny 22:2

War ˈjien ˈgíéríchle mé il ˈgar faanne. ˈGór luolmitiká war ˈdinnam hullaalle gáá ˈdie. ˈGuor wár tikiˈdeká af tomon tikiˈde a naama ki higisa, ˈguiyam lullé gaa higisa. ˈGuor kinaal neelle íín kidhdho he bibisia.