Kí Edhesiny 2:5 - Fayam Midhab Yiesu Kiristoká He Hol Af Iđiny Kaanaká

⁵ Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.

Kí Edhesiny 2:5 ပူးပေါင်းရင်းမြစ်များ

Matááyo 5:14

Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé.

Matááyo 5:15

Gálaat hé nyátáá ma bolmosiny, nyátáá he af ma bubuny. Nyátáá urgúaka úrro gaalí ki ređia, in édhúmle gál ˈbíl gaa ijoká lulle hí biiy ki arga.

Márko 12:9

Aalé máá lesléká háte he ˈdeeme? Mu hai ká yiimedhe, gál kinaal af hai ki beđita, les gál eiy af hai iđimia.

Lúka 1:17

Mu Hím Naasan ubaa fargogint Waaˈgiet tikiˈde máá Waaˈgiet Elíya hí ˈgieká hai aargira, mu Máá Guđo Waag met hai ká naadha, giri mu idhaam kasle hol gaa lalaan-, gaal ubaa umle hol higiloká. Mu gál ˈdeeny Waaˈgiet nee ma kokonyká hollo hol gaa laama, giri gaal ˈdaalim gál ˈdúwa-, Waag kikiatká ˈdeenyle iiy yeetká. Mu Máá Guđoká gál hí iiy yegetká met tág hai kokoo, máá ˈgasso-, urruká hí yie.

Lúka 20:16

Mu hai ká yiimedhe, gál kinaal af hai ki beđita, les gál eiy af hai iđimia. Yíésu hí gáál yie. Gálaat ˈdeenyéél maaleká, kieye, Hé kinaal Waag hí điito! yie.

Galátia 5:4

It halúg hí kieye, hemuumurít el gaa igiritle innum Waaˈgietka gál ˈdúwaká he gáál hođicha, hí chegetallá, it Kirísto af gaa taanne, ˈdúˈjím Waaˈgiet gaa ˈgisate.

Filíbi 2:15

Hí hát kinaallá ˈdiiyyeka, itín um Waaˈgiet ˈdeensen ubaa saas mán-, ˈdúwaká haí cheedhe. Taalle hí gál súm ˈdeew-, gaa nyakarichallá hí hurt gaa iđaká, hát hidhino urietkáka haí ká eedhdheye,

Héberew 10:32

Af giri erkob-, Fayam Midhaballá Waag hí kí edhesiche-, hé guđoká il hí aargiˈde-, hí hé kinaal me ki chichirsateká táb ˈdodhdhíe.

Bétiro ki Naamaká 3:17

Aaléka, sheel chia yú gielallo, ˈdaa giri hééllá hí ógká, taganokícho ˈgée, giri gál halúg nyatalaam mánnallá hí ma baađisiny-, iiy yeen kíchia hí tág ki taalallá hí ma gaa riiteenká.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 16:9

Aalé gálaat kúlkúl súm ˈdeew kinaal hí bodbodsie. Gaal Waag hééllá lulle fargogintle ˈgayyóóllá chaachare, hé héllé ˈdeđewká ma hâny, Waag bala ma ˈdú níiny, Waag ˈdúúw ma shíiny.

Kí Edhesiny 2:16

Aaléka, he onisiny kinaallá hayyíe, Waag bala ˈdú náa. Har hát kinaal muuninyka, yú ál ˈjob haí gáá higila, faaˈd chia órof-, ye af gaa taalká ha kí ruuma, gál he onisinyééllá ki ˈgieká he yú ki ekemeye.

Kí Edhesiny 2:19

Yáá húgúm kíchia hí ˈgayya-, hát káána gielmít ubaa iiy yeen kíchia, héétí laat kíchia ubaa mé ki chirsan kíchia hí ˈgayyáállá óg. Húgúm kíchia midhab-, kaanallóóllá hát húgúm kíchia kissoká af yíé ˈdieká úba yáá óg.

Kí Edhesiny 2:2

Húgúmkícho ubaa símískícho, tá mé ki chirsankícho yáá óg. Héétí gál hé ˈdeđewká gaa sesemeká hát hí gáál héllé ˈdeđew kinaal mé ma yuyûnyká yáá óg. Gál gál alb fimiká hol ká hoy-, kor gál alb fimi-, muuniny kinaal, hát hí eiy naasate-, hí hođomle ka edhesicheká úba yáá óg.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!