Kí Edhesiny 2:23 - Fayam Midhab Yiesu Kiristoká He Hol Af Iđiny Kaanaká

²³ Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.

Kí Edhesiny 2:23 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Lúka 16:15

Aaléka Yíésu gáál geey, kieye, Itín innum gálaato hí gál ˈdúwaká hol gaa hođicha, tá Waag íín hé hé ger geđi kíchiaká óg. Tá hé gálaat hí hé súm ˈdúwaká ka dhaˈgasanká, íín hé Waag hí néb.

Yuána 21:17

Yíésu gíl ki seđeká geđi mú yiete, kieye, Símon, iny Yuana, kuun kín kó ye giel? yie. Bétiro ˈdaa giri Yíésu hí a seđ ki yiete-, Kó ye giel? muí yieká, đo geer hí gaa ˈdeenedhe, kieye, Máá Guđo, kuun kó he lulle óg, hát yú ko gielká kó óg, yie. Yíésu kieye, Walachú ˈdeeˈdémo, mú yie.

Yuána 4:16

Yíésu min geey, kieye, Sí, bélkú ká veʼ, hol ka eedhdhíe, yie.

He Ekeny Gál Alb Fimiká 1:24

Aalé gaal Waag vite, kieye, Máá Guđo, kúúni gálaat lulle gerle og. Gál naamáállá máá feˈdoká nyí ka argísish.

Róóma 14:12

Aaléka, múún lulkúnno hé kúnnaa mákártaká Waag met ha ke gaa hogodho.

Róóma 8:27

Waag ííni hé gerkúnno ógallá hé Hím Naasanle kasle óg. Waag Hím Naasanlééllá hát Waag hí feˈdoká in gál Waaˈgiet Waag ki vivisata.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Galátia 6:5

ˈdaa giri máádhat dhúrle hújíchle ilshle uroká.

Héberew 4:13

He met lullé Waag hí ka kuonnééllá hé níínní Waag metleka kaany gaa ijoká mán. Waag hé he lulle argiyyo, innumleka he met lulle hé gaa édhká tákáma. Mu íínííllá he Máá ke hékúnno met gaa hogodhoká.

Bétiro Erká 1:17

ˈJaa kúnnaa úr ijo-, hí vivisatáállá hát máá níínní ˈdú ˈdíínian-, mánká it óg. Mu he lullé gálaat hí ekemeyoká eiy hai nannaa. Aaléka, itín yíéđiny mé gaaw-, hí les ˈdug ˈdú iđáállá mú gaa kiikiadhíe.

Kí Edhesiny 2:11

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká hé kúfách ki naamaká hát hí kuoká mán.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 20:12

In aalé yú gál ˈduuˈdúwaká ubaa gál aađa-, kis kufe-, kara guchi kinaal met gaa ˈgieká arge. Warˈgasam gaalí af fure. Warˈgat éíy taaka úba gaalí af fure, warˈgat kinaallá he warˈgat luolmitiká. Tá gál kufeká héllé eekemey-, gaalí warˈgasam gaa veereká ˈdugaka in Waag hí ˈdéé ki iiđimiche.

Kí Edhesiny 20:13

Bas gál hí ki kufeká urgano kí laalame. Gál kufe-, ál kufachietká gaa ijeká lulle úr mé nie. Aalé gálaat héllé eekemeyká ˈdugaka lulle Waag hí ˈdéé ki iiđimiche.

Kí Edhesiny 22:12

Yíésu kieye, Bá dhaayyíe, yú ˈjobintééllá ha gáá ˈjeeme. Gálaat héllé eekemeyká eiyyo yú hol gaa nannaa. Gál hé midhabká eekemeyká hé shiicho ha yú shigia, gál hé ˈdeđewká eekemeyká íín he illo yú ká aargisia.

Kí Edhesiny 6:8

Yú fuˈjieká, fárích ikarká arge. Máá hí ˈdú ijoká meenyle Kúfach. Tá mú Ál Kufachietká hí el gaa igira. Gálallá in Waag hí fargogínt shiiche, giri gál les gaa ijo-, met hí afurká mé tikiˈd faaˈd órofká ubaa már, tá basham ubaa bine kach ˈguo-, lesietká ki yegeská.