Kí Edhesiny 2:21 - Fayam Midhab Yiesu Kiristoká He Hol Af Iđiny Kaanaká

²¹ Yáá min kár héllé gaa nyakarich kinaal haađicho-, ye makan ka ˈjeˈjeennoká shie, kor min hé hé kinaal điite.

Kí Edhesiny 2:21 ပူးပေါင်းရင်းမြစ်များ

Róóma 9:22

Tá Waag ííni fargogintle gálaat aargisicheká feˈde-, gál hí điidheká idholle ˈdú iđimicheká feˈdééllá, har hol tiiyye-, gál onnônyka he beđisate-, idholle ˈdú iđimiche kinaal har nog ki sieteka, hééllá meete ˈdeew ke gaa hogodho?

Bétiro Erká 3:20

Gál Waag hí hiigitééllá he gál bár giri Nówa kádích guđoká tág nannieká Waag hol tatiyye-, Waag hí egete-, kor íín Waag af đuˈduseká. Kadich gál iraam mán-, síet-, hí gaa ijeká, bie hí ká taarsie, in ká bie.

Bétiro ki Naamaká 3:15

Hééllá mé ka ˈgáa, Máá kúnnaa Guđoká geer guurallé ˈguoká in hol ki momoyo, gál burnayká hí rubach ki aargira. Nyár kúnnaa ki giel-, Báulo lééllá, ˈdaalim Waag hí shiicheká ˈdugaka in hí ˈdéé hót tikiˈdééllá úba ˈdu gáá veere.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.

Kí Edhesiny 16:11

Gáál gon bólollééllá ubaa lilolle ˈdugaka in gaal Waag Úr Iđoká chaachare, gaal hé héllé ˈdeđewká ma hâny, Waag bala ma ˈdú níiny.

Kí Edhesiny 16:9

Aalé gálaat kúlkúl súm ˈdeew kinaal hí bodbodsie. Gaal Waag hééllá lulle fargogintle ˈgayyóóllá chaachare, hé héllé ˈdeđewká ma hâny, Waag bala ma ˈdú níiny, Waag ˈdúúw ma shíiny.