Kí Edhesiny 18:11 - Fayam Midhab Yiesu Kiristoká He Hol Af Iđiny Kaanaká

¹¹ Tá les gállé shokodaam hol gaa mamadioká ˈdaa giri shokodaamle máá geđi hí higiat-, mánká úba ˈjien hai ˈdú beeme, hai shiilmita.

Kí Edhesiny 18:11 ပူးပေါင်းရင်းမြစ်များ

Matááyo 22:5

Kor gál gaalí kiereká hé kiermit gaalí kiereká hol ma héésen, gaal đo hujichaamle met veere, máátí léslé fafaatká bííyle mé nie, máátí shókódíchlé hol gaa mamaduoká hújíchle mé veere.

Yuána 2:16

Mu gál hóle nyáláár geer gaa mamadieká ós ki koy, kieye, Hééllá állá geer yé gaa ˈdeeyyíe, ˈbíl ˈJaachú haí ál kíchia hoyyo hóson! gáál yie.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Kí Edhesiny 18:15

Gál shokodaamééllá hol gaa mamadie-, Bábilon ki kamurayká Bábilon manyjasinyle siermle haí faanna, gaal geđéétí hai ki ˈdeeme, af ˈdérká hai ki beeme, hai shiilmita,

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.

Kí Edhesiny 18:23

Tá nyátáá édhúmle hé geđi ko ma gaa bolominy. Gál hol shugunatká afle hé geđi máá hí ko gaa mamaloká mán. Gál kua shokodaam hol gaa mamadieká hé les gállé kaamúreká yie, tá kidh lulle hé gilka he ním kuallá hí nyimisate.

Kí Edhesiny 18:3

Kidh lulle hé ˈjienééllá baltlé gaa nyakaridheká ˈduunyle ˈjie. Les gállé kaansúoká hé ˈjienééllá hélle baltle ˈgie, Waag gíl sug ki hay, ˈjien bala ˈdú nie. Tá gál les ˈdú ijo-, shokodaam hol gaa mamadioká hé ˈjien kamurlé ki geyieká ki kamuray, muí yie.

Kí Edhesiny 18:9

Aalé les gállé giri kaansúo-, ˈjien hélle baltle ˈgie-, Waag gíl sug ki hay-, ˈjien bala ˈdú nie-, ˈjien balchalle gaa ijeká áwúlle hol ˈgar geyyimeká ˈjien ˈdunanylé ˈdunnuanká érle argeka koˈdam hai ˈdaˈdia, ˈjien hai ˈdú beeme.