Kí Edhesiny 17:7 - Fayam Midhab Yiesu Kiristoká He Hol Af Iđiny Kaanaká

⁷ Aalé máá giri ˈgasso-, urruká ye heete, kieye, Háteka hééllá aˈdabiyyéel? Yú min ubaa bíních kach ˈguo-, met tiiya ubaa gaas tomon ˈguo-, min hí ˈdú iđo-, min hol gaa sisidhóóllá héllé gálaat hí muogká ha ko ká geđia.

Kí Edhesiny 17:7 ပူးပေါင်းရင်းမြစ်များ

Dhesaloníke ki Naamaká 2:7

Máá hemuumurit Waaˈgiet điidhééllá héllé geer geđiká hé kis hújíchle mé gáá kodhdhe. Tá hújíchle lulle hé biiy yé ma gáá ˈdeeminy, ˈdaab fargogint hí momoychoká ali ma gaa síenká.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 12:3

Tá hé éíy taaka-, ke aˈdaˈdaboká geđi yú úr gaa arge. Áních guđo-, búr-, met hí tiiya-, metlé tiiya kinaal shotam kansimoká taat met eiy ká ˈguo-, gaas hí tomonká yú arge.

Kí Edhesiny 17:8

Bíních kuuní argiyyééllá hé kis ali ije, kor káána hé mán, tá bár ˈdaatika ˈguoˈd gaa ˈdér-, el mé mánká yé hai gáá ˈdeeme, állé he il hí gaa aargiˈdoká mé hai nannaa. Aalé gál les ˈdú ijo-, Waag hátlé les ma ka kúóninyká meetle Waag hí warˈgat luolmitiká ma gaa véérinyká bíních kach ˈguo-, kis ali ije-, tá kufe-, geđi yé ka ˈdeˈdeenká argeka he af hai ˈdaaba.

Kí Edhesiny 18:1

Aalé hééllá yú argeká, yú máá éíy taaka-, urru-, ˈgasso-, úr gáá leledho-, hemuumurit guđoká ˈguoká arge. Máá kinaallá édhúm hí yé gáá ˈdieká biiy gaa edhesie.