Kí Edhesiny 17:4 - Fayam Midhab Yiesu Kiristoká He Hol Af Iđiny Kaanaká

⁴ Min kinaallá đafaraam faateká bísle korbich ubaa búr, shokodaam ki bukusateká he hórkí ubaa waar ˈdabaanká tá bier ˈduuˈdúwaká. Min gílle kulu hórkíká ká ˈgayye. Kulu kinaal hé gaa nyakarichká ubaa min kamurlé gáál ˈdú lalaatoká saasle hí koch yie.

Kí Edhesiny 17:4 ပူးပေါင်းရင်းမြစ်များ

Kí Edhesiny 14:8

Aalé máá ˈgasso-, urru-, éíy taaka-, ki naama-, máá ˈgasso-, urru kinaallá he el gaa igire, kieye, Bábilon Guđoká hé el hí ˈgidhe! Hé el hí ˈgidhe! Hééllá he ˈdaa giri Bábilon baltlé gaa nyakaridheká ˈduunyle kidh lulle mé ki tiiyye-, kidh hí igianká, muí yie.

Kí Edhesiny 18:12

Gáál shokodaamlé maditi kinaal he hát káána hórkí, sibilaam ííkarská, waar bisso-, ˈdabaanká, bier ˈduuˈdúwaká, đafaraam ˈdabaan-, met hí hol ká eiyye-, eegedh-, ubaa kóórbis-, tá búrká, héétí ˈguor ussa-, met hí hol ka burnayká ubaa shokodaam gaalí arb hido ubaa ˈguor ˈduuˈdúwaká tág gaa nieká, héétí shokodaam gaalí síbíl raarká ubaa síbíl gogoká, tá waar ˈdabaanká tág gaa nieká,

Kí Edhesiny 18:16

kieye, Hoba! Hoba! Kó ˈjien guđóóllo, he ebá ko ki ˈdéen! Kuun hát min kamuˈde-, đafaraam kuta-, bis hí kóórbis ubaa búrká faate-, hórkí ubaa waar bisso ˈdabaanká tá bier ˈduuˈdúwaká ki bukusateká onnoyye.

Kí Edhesiny 19:2

mú ˈdéé ki iđinyle he hé ˈdúwa-, tagléká! Waag hé ˈjien guđo-, babasidhe-, héllé gaa nyakarichká les ki ˈdeeneyallá ˈdéé ki iđiche, hé gedelle fásle halalle ká niiyye, shalal hí chie.

Kí Edhesiny 21:21

Đír karafanollé tomon a naamáállá he bier ˈduuˈdúwaká. Karafano tomon a námlééllá bier taata gaalí ki ˈdisse. ˈJien ˈgíéríchlé hí hurt iifoká íín hórkí médhéblé gaalí ki ˈdisse. Hórkí kinaallá he hát wár saalo-, ke ˈdaatí argoká.

Kí Edhesiny 9:21

Gaal hé úba gálaat oosle ubaa gilka he nímle, tá herginy gálle hol ma shúúnanká, héétí buraa má hâny, Waag bala ma ˈdú níiny.