Kí Edhesiny 16:6 - Fayam Midhab Yiesu Kiristoká He Hol Af Iđiny Kaanaká

⁶ ˈDaa giri gaal gál kua ko iiy yieká ubaa gál kua ˈdeem ka shigiche-, ˈdeem ˈdiyimeká fásle okodieká, in kuun gáál fás ím mé ki tiiyye. Hé kinaallá hé gálle hí hol ki ˈgeˈgedheká, muí yie.

Kí Edhesiny 16:6 ပူးပေါင်းရင်းမြစ်များ

Matááyo 7:2

Har hí gálaat ˈdeđenseteka, Waag úba hát tikiˈde kinaallá haí ˈdeđensete. Hé hí he ki ekemeycho-, hí gálaat he ki fafiyyoká, in úba Waag hí he kí fafiyya.

Lúka 12:48

Gédéch máállé guđoká hátlé fedeká muog-, tá hé ˈdeew-, gaalí gaa tuunoká ekeyka, máá kinaallá taalle ha gaalí hagashia. Máá gaalí hé guđoká gíl fieká, hé guđoká gaalí gaa fede. Máá gaalí hé guđoká mé ki koyká, hé kinaallá hát ˈdabaanká tág ki yaalitlé gaalí gaa fede, Yíésu hí yie.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Kí Edhesiny 11:18

Kidh hé idhane, kor káána idhokú hé ká chimie. Bar hé ali kí ˈdiiyye, giri gál kufeká kuun hí ˈdéé ki iđimicho-, gede kua gál kuun hí ˈdeem ka shigicheká yíekaʼ, gál kuun hí hol taak ki koyyeká yíekaʼ, héétí gál meenykú kikiat-, ˈduuˈdúwaká yíekaʼ, aađaká yíekaʼ, kuun gáál símísle hélle hol ˈdú nanniyyo-, tá gál les ˈdeđeneyoká kuun hí he il ká aargisichoká, karu hí yie.

Kí Edhesiny 13:10

Máádhat har máá gaalí ugunanká kátaka, ha gaalí ugunma. Máádhat har máá gaalí faaˈd órofká ki yegeská kátaka, faaˈd órofká ha gaalí ki yeese. Yaalmitééllá ˈdugaka gál Waaˈgiet hí mé ki chiichirsat, hí iiy yeenlé Yíésu iiy yieká tág chirat.

Kí Edhesiny 13:15

Binich hé fargogínt ˈguo, giri bíních erkobká yaalmitlé gaalí tág nieká hím ki nannuo-, he loolnot-, he ˈdéé hogodhoká. Aalé bíních erkobká yaalmitlé gaalí tág níéllá ˈdéé mure, kieye, Ameeny gál ye met les kurram gaa ˈdaraan-, ye memeyoká điidhoká gon gaalí yies, yie.

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.

Kí Edhesiny 18:24

Gál Waag hí ˈdeem ká shigicheká ubaa gál Waag hí gálle hosoteká fásle ubaa gál éíy taaka les ˈdú ije-, Bábilon hí chieská lulle fásle hé Waag hí Bábilonallá gaa argiyye, máá ˈgasso-, urru kinaal hí yie.

Kí Edhesiny 19:2

mú ˈdéé ki iđinyle he hé ˈdúwa-, tagléká! Waag hé ˈjien guđo-, babasidhe-, héllé gaa nyakarichká les ki ˈdeeneyallá ˈdéé ki iđiche, hé gedelle fásle halalle ká niiyye, shalal hí chie.