Gál naamáállá hé fargogint úr af gaa kokuo-, giri rám gaalí ˈdeem Waag hí gáál ka shiicheká gaa ˈdiyeen-, ír níínní hí gáá tuuno-, mánká ˈguo. Héétí gaal hé fargogint bie hol gaa lalaan-, bie fás hođuo-, ubaa hé gálaat ki ˈdeew-, met hí hol ka burnayká af he fedoká les ˈdú gáá haađuoká úba ˈguo.
Mu af ˈdérká ˈdéé ki hodhe, kieye, ˈDaa giri Waag aadh ˈgas gálaat ˈdéé ki iđimichoká ali kí ˈdiiyyééllá, Waag kiikiadhíe, ˈdúúw shiigía. Máá úr, les, ubaa bás tá biet haˈdamká ka kuonnééllá met les kurram gaa ˈdannáa, meemeyyíe, yie.
Aalé yú máá ˈgasso-, urru-, biet mé ki yaalallá af maale, mu kieye, Kó ˈdúwa-, saas mán-, kis ali iđe-, tá bííyyo ali iđóóllo, yaalmit giri kuuní gálaat ˈdeem ki iđimichóóllá he yaalmit ˈdúwaká.