Kí Edhesiny 16:10 - Fayam Midhab Yiesu Kiristoká He Hol Af Iđiny Kaanaká

¹⁰ Aalé máá ˈgasso-, urru-, ki chenká kedmitlé idho Waaˈgiet hí gaa iđeká bíních giri kach ˈguoká karallé guchiká ˈdug méle ˈdú nie, binich bííylé guchiká đo ongʼoroyye. ˈDaa giri gáál gon hí boloyyeká gaal hol erb koey.

Kí Edhesiny 16:10 ပူးပေါင်းရင်းမြစ်များ

Matááyo 13:42

gáál ˈjiet biiyoká hai fafaa. Hé kinaallá he ál gaalí gaa bebeen-, gaalí kach hol a met gaa ˈginianká.

Matááyo 13:50

gaal gál hé nyakarichká gaa seseenká ˈjiet biiyoká hai fafaa. Ál kinaallá he ál gaalí gaa bebeen-, gaalí kach hol a met gaa ˈginianká, Yíésú hí gáál yie.

Matááyo 22:13

Máá giri kansichká đo gállé gédeká geey, kieye, Máállá gil ubaa ˈgas hiigidháa, mú baaˈd gaa ongʼoˈde-, álle gálaat hí gaa bebeen-, hí kach hol af met gaa ˈginianatíá ki láa, yie, Yíésu hí gáál yie.

Matááyo 24:51

Mú máállé guđo kinaallá mú hát ˈdeđewká he hai ki ekemeye, mú gál hol ˈdug gáá sasaloká hurt hai ki laama. Ál kinaallá he ál gálaat hí gaa bebeen-, hí kach hol amet gaa ˈginianká, Yíésu hí gáál yie.

Matááyo 8:12

Tá gál Yisirayel onnônyka Guch Waaˈgiet lileyká gál gúúđo Waag ál gaa ongʼoˈdeká haí ki lalaanna. Ál kinaallá he ál gálaat hí gaa bebeen-, hí kach hol a met gaa ˈginianká, Yíésu hí gáál yie.

Lúka 13:28

Ál kinaal hí Abirááyam, Yísak, ubaa Yákob, tá gál Waag hí ˈdéé ka shigicheká lulle hí Guch Waaˈgiet gaa argiyyeka, itín hát gaalí baaˈd ki ˈgidhieká haí kiimisata, haí beenne, kach amet hollo hí hol gaa ˈginianna.

Bétiro Erká 2:17

Gálaat lulle gál ˈdúwaká ka dhaayyíe, nyaaram kíchia Kiristoká geelnedhíe. Waag kiikiadhíe, máá les mé ki yaalká úba máá ˈdúwaká ka dhaayyíe.

Kí Edhesiny 11:10

Tá ˈdaa giri gál naama-, Waag hí ˈdeem ka shigichééllá kufeká gál les ˈdú ijeká ger hí gaa meedhe, aaˈdume, hé shiicho hol shiguoká ello hol ˈgiˈgidhia. Gaal hatallá ger hí gaa meedhééllá he ˈdaa giri gál naamáállá gál lesietká manyjasieká.

Kí Edhesiny 11:2

Tá ˈBíl Waaˈgiet náblé baaˈdietká ha ˈdermitle dháany, hash, ˈdaa giri náb kinaal yú gál gálchú muuninyká ˈdú hay-, gaal ˈjien Waaˈgiet ˈguiyam tomonaam afur a naam gaa waasoká.

Kí Edhesiny 11:8

Gál naamáállá réfle ˈjien ˈdúwa-, álle gaalí gáál Máállé Guđoká ˈgór đarám yaalká ˈdú yieská náble gaa iifa. ˈJien kinaal gálaat hát he hol ki ekenyáka Sóˈdom, muuninyka, Misiráyim hí yegedhe.

Kí Edhesiny 17:17

Tá ˈdaab Waag ˈdeenyle ma đusînyká, in gálallá hééllá lulle hát he feˈdoká ger fiiyye, giri gaal Waag hát feˈdo kinaal ekemeyo-, gáál kas hí tikiˈd cheget-, gáál kansimle hemuumuritle gaalí bíních giri kach ˈguoká ˈdú haađuoká.

Kí Edhesiny 17:9

Hééllá kas ˈdaalimoká hegete. Binich metlé tiiyáállá he gumano tiiya-, min hí ˈdú iđoká.

Kí Edhesiny 18:2

Aalé mu af ˈdérká ˈdéé ki hodhe, kieye, Bábilon Guđoká hé el hí ˈgidhe! Hé el hí ˈgidhe! ˈJien Babilon hé ény aryaan yie. Héétí hé aryaan gaa nyakaridhe-, met hí hol ká eiyyeká ubaa tere dhiginiyyoká tá đányár ˈdeđew-, gálaat hí nébká ífle yie.

Kí Edhesiny 18:21

Aalé máá ˈgasso-, urru-, fargogoká wár guđo hát nyátáábáká eedhdhe, bás ki lay, kieye, Hát tikiˈde-, fargogintííllá Waag ˈjien guđo-, Babilonallá af hai ki beđisata. ˈJienééllá hé geđ máá níínní hí aargiroká mán.

Kí Edhesiny 18:23

Tá nyátáá édhúmle hé geđi ko ma gaa bolominy. Gál hol shugunatká afle hé geđi máá hí ko gaa mamaloká mán. Gál kua shokodaam hol gaa mamadieká hé les gállé kaamúreká yie, tá kidh lulle hé gilka he ním kuallá hí nyimisate.

Kí Edhesiny 8:12

Aalé máá ˈgasso-, urru-, ki afurká faˈdle ˈdoy, đo aadh ubaa ˈgúíy tá hidhino met ˈdinnamlé seđeká met ˈdinnam taat Waag hí ˈdanne, met ˈdinnam Waag hí ˈdanne kinaal édhum ˈdabiyye. ˈDaa kinaallá ˈdugaka, kulich ubaa chúúre met ˈdinnam taat édhum ˈdabiyye.

Kí Edhesiny 9:2

Hidhint ˈguoˈd gaa ˈdér-, el mé mán kinaal af fuˈde. Eer hát ér ˈjiet guđoká ki égká ˈguoˈd af gáá kie, eer aadh ubaa biiy buˈd hoy, ongʼorosie.