Kí Edhesiny 14:1 - Fayam Midhab Yiesu Kiristoká He Hol Af Iđiny Kaanaká

¹ Aalé yú fuˈjieká Eliny Gúm Siyon ˈdú yaal. Eliny gál shíí kúˈd tikiˈde-, tómón eiy afur a afurká hol ˈgaa. Gál kinaallá Élíny meenyle ubaa Élíny meeny ˈJaallé veeritle met bala ká ˈgaa.

Kí Edhesiny 14:1 ပူးပေါင်းရင်းမြစ်များ

Lúka 12:8

Yú hí geeye, Máá gálaat metle yú ye mááchú gaa yeetká, máá kinaallá yáá Iny Máádhátallá Waag gállé ˈgasso-, urruká metle úba mááchú ha yú gaa yeedhe.

Róóma 9:33

hát káána Warˈgat Waaˈgiet hí hote-, kieye, Bá dhaayyíe, yú mááchú Síyon ha gaa iđimia. Máá kinaallá he hát wár gálaat ˈgas met ki ˈdaraan-, gálaat riigirsuoká, héétí hát nyátáábá gálaat les ki ˈdaraannoká. Máá máállá iiy yeetká, hé innum Waaˈgiet kern hí ma gaa ˈgiˈgin, chieká.

Kí Edhesiny 14:14

Aalé yú nyáˈdow édh-, máá hát iny máádhat ká yaal-, shóte horkiká mé ká ˈguo-, faaˈd órof-, allé-, gaalí ˈguom ki mumuratká gíl ka ˈguoká hí ˈdú ijoká arge.

Kí Edhesiny 14:3

Gál giri Élíny gúm álle hol af ˈgie kinaal ár kaanaká kara guchi Waaˈgietká ubaa hé giri luogol-, afurká, tá gál giri káruká metle gaa ˈdarama. Ár kinaallá hé máá níínní hí oonootká mán. Gál giri shíí kúˈd tikiˈde-, tómón eiy afur a afur-, Waag hí lésallá gáá yiateká tákáma hí og.

Kí Edhesiny 15:5

Aalé yú fuˈjieká, ˈBíl ˈbaaro Waaˈgiet-, úr gaa yaalká állé súm ˈdúwa-, biiy geereká gaalí af fur, yú arge.

Kí Edhesiny 22:4

Mú gede lééllá mú innumle hai aargira, tá mú meenyle gáál met bala he ki ˈgee.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 4:1

Hééllá lulle yú argeká, úr af hí furme yú arge. ˈDéé hót er yú maale-, faˈd shímle ki égká geđi ye geeyche, kieye, Úr ál yú ijóóllá mé ká naʼ. Hé yú ko geeyallá elle yaalmisano yé ká ˈdeˈdeenká ha yú ko ká aargisia, ˈdéé hót hí ye chie.

Kí Edhesiny 6:8

Yú fuˈjieká, fárích ikarká arge. Máá hí ˈdú ijoká meenyle Kúfach. Tá mú Ál Kufachietká hí el gaa igira. Gálallá in Waag hí fargogínt shiiche, giri gál les gaa ijo-, met hí afurká mé tikiˈd faaˈd órofká ubaa már, tá basham ubaa bine kach ˈguo-, lesietká ki yegeská.