Kí Edhesiny 13:6 - Fayam Midhab Yiesu Kiristoká He Hol Af Iđiny Kaanaká

⁶ Binich Waag chaarim ˈdeđewká chaachare, Waag meenyle ubaa ˈbílle chaachare. ˈBíl Waaˈgiet kinaallá he Waag gállé úr gaa ijoká.

Kí Edhesiny 13:6 ပူးပေါင်းရင်းမြစ်များ

Matááyo 12:34

It ˈdálto chaaráal! Itín háteeye kerka hí hé ˈdúwaká hogoto, in hé gaa nyakarichká gerkícho koch háluke? Máádhat ˈdaaka hé hí geer gaa ijoká in he hogodho.

Matááyo 15:19

Hé máádhat a geer yé gáá ˈdeˈdeenká he tawuny ˈdeewká, máádhat oosó, hol ˈdú herginy, hol buraa, héétí buraa ubaa hódho, tá máádhat méé ˈdeeneny.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Róóma 3:13

Gáál ˈdéé hótle hát úúshích af hí eiy ijo-, ká kekeenká. Gáál erble hé hođomká hí yiem gáá ˈdeˈdeme. Gáál agerle hé hí yiem gáá ˈdeˈdeenká hát lúabal af heđlé.

Kolosááya 1:19

Waag héllé kis feˈde-, muˈdeká he giri aalmichle alulle Inyle gaa iđoká.

Kolosááya 2:9

Hééllá he ˈdaa giri Waag aalmichle alulle Kirísto ˈdalidhe-, gon ˈgúóllá gaa iđoká.

Héberew 9:2

Aalé ˈBíl ˈbaaro Waag visan kinaallá ger hí naama. ˈBíl geer erkobká hé hí gaa ijeká he hé gaalí nyátáá ˈdú iđimieká ubaa kára, tá balasha gaalí Waag met gaa iđimie-, gaalí kára kinaal ˈdú iđimieká. ˈBíl geer erkob kinaallá Ál ˈDúwa-, Kiatoká gaalí yegie.

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Kí Edhesiny 11:12

Aalé gál naamáállá ˈdéé hót úr ˈdéé gáá hote-, gáál af gaa guđoká ki geeyche-, kieye, Úr mé ka náa, chieká maale. Gáál hátlé gállé hí ka kídhká hí dhaˈgameká gaal đo nyáˈdow ki kie, úr mé nie.

Kí Edhesiny 12:12

Úrru, kuun ubaa gál ko gaa ijóóllá lulkícho ger hí gaa meet! Les ubaa basso, hoba! ˈDaa giri Sátan hí ˈdu gáá leete-, hát bárle hol kí chalnateká óg-, idhanneká, héél ebá itín hí ki ˈdéen! ˈdéé hót hí chie.

Kí Edhesiny 15:5

Aalé yú fuˈjieká, ˈBíl ˈbaaro Waaˈgiet-, úr gaa yaalká állé súm ˈdúwa-, biiy geereká gaalí af fur, yú arge.

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.

Kí Edhesiny 21:3

Aalé yú ˈdéé hót af ˈdér-, kara giri guchiká álle yé gáá ˈdiiyyeká maale, ˈdéé hót kieye, Bá dhaayyíe, Waag égetle hé gálaat hol ˈgar liledhe. Waag gálaat afo hol yíéđima, gaal bííyyo Waag gálle hai yeedhe, tá Waag íín dhúrle gáál hurt hai iđa, gáál Waagle hai cheedhe.

Kí Edhesiny 4:1

Hééllá lulle yú argeká, úr af hí furme yú arge. ˈDéé hót er yú maale-, faˈd shímle ki égká geđi ye geeyche, kieye, Úr ál yú ijóóllá mé ká naʼ. Hé yú ko geeyallá elle yaalmisano yé ká ˈdeˈdeenká ha yú ko ká aargisia, ˈdéé hót hí ye chie.

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 5:13

Hééllá el ˈdaal he lullé Waag hí ka kuonne-, úr yíekaʼ, les ˈdug yíekaʼ, les gim yíekaʼ, bassam yíekaʼ hí gaa ijoká afle yú maale, kieye, Máá kara guchiká ˈdú ijoká ubaa Élíny ˈduuwlé, guchlé, ubaa fargogintle ˈdugaka, taalle bííyyo kí meemeyo, gaalí yie.

Kí Edhesiny 7:15

Hééllá ˈdugaka in gaal kara guchi-, Waaˈgietká met ˈgee. Gaal Waag hújíchle ˈBíl Waaˈgiet kulich ubaa chúúrélle gaa nannaa. Waag karallé guchi-, ˈdú iđóóllá gáál hai buanna.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.