Kí Edhesiny 13:18 - Fayam Midhab Yiesu Kiristoká He Hol Af Iđiny Kaanaká

¹⁸ Hééllá ˈdaalímo hegete. Máá kás ˈguo-, he hol eiy gaa nannasatká hí bíníchallá túóyle hélle kimisat. Túóyallá he túóy máádhát, túoy he kúˈd le, tómón eiy le, tá a le.

Kí Edhesiny 13:18 ပူးပေါင်းရင်းမြစ်များ

Márko 13:14

Aaléka, hé súm gaa nyakarich-, Waag hí néb-, ˈBíl Waaˈgiet ˈdeđeneyoká, ál he ma lilenyká hai kí ˈdeeme. Máá ˈdeenyééllá tuoyoká hí ˈdéé eiy naasat. Hé hat kinaallóóllá hí argiyyeka, gál lés Yuuˈdia gaa ijoká hí gumano kar ˈdú ˈdano.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Kí Edhesiny 1:3

ˈDeeny Waag hí mú ka shiiche-, muí veerééllá máá hí gálaat ki tooyoká ubaa gál hí nee kokuo-, tá hí ki yaalká, ebá Waag hí ˈdú ˈjiiy! Hééllá bárlé yé gáá ˈdeˈdeenká hé ˈjób.

Kí Edhesiny 15:2

Aalé yú đo hé hát bás ˈjiimidat-, bíélle ubaa ˈjiet hol warameká arge. Bas gál bíních giri kach ˈguoká ubaa yaalmitlé gaalí tág nieká met les kurram gaa ˈdaraanká điidhe-, binich meenyle túoyle gaalí guguoká úba điidheká hí ˈdú ˈgee. Gaal hé gaalí áár ki ˈdaraan-, Waaˈgietká gil ká ˈgaa.

Kí Edhesiny 17:9

Hééllá kas ˈdaalimoká hegete. Binich metlé tiiyáállá he gumano tiiya-, min hí ˈdú iđoká.

Kí Edhesiny 21:17

Hát aađa-, gálaat ubaa gál ˈgasso-, urruká hí he gil ki ekemeyóóllá mu ˈjien đírle gíl ki eekemey, đír ˈbúúl gúch gil hí kúd tikiˈde, tómón eiy afur a afur.