Kí Edhesiny 13:17 - Fayam Midhab Yiesu Kiristoká He Hol Af Iđiny Kaanaká

¹⁷ Máá gúíyallá mánká hé shokodaam ma higian, muuninyka, hol ma gaa mamadiny. Gúíyallá he bíních erkobká meenylé, muuninyka, meenyle túóyle gúíylé.

Kí Edhesiny 13:17 ပူးပေါင်းရင်းမြစ်များ

Galátia 6:17

Aalé, ˈdaa giri fayam Yiesu yú ˈdiiyime-, gadyamle yú ˈgúólláka, máádhat geđi ha ye shalal fíiny.

Kí Edhesiny 13:16

Aalé bíníchallá gálaat lulle he ki mure, gál niginiká yíekaʼ, gál guguđoká yíekaʼ, gál kaamúreká yíekaʼ, gál he maamanká yíekaʼ, gál gédeká yíekaʼ, gál ađaaká yíekaʼ, gaalí gillé ˈdaa naanietká, muuninyka, met bala guguoká.

Kí Edhesiny 13:18

Hééllá ˈdaalímo hegete. Máá kás ˈguo-, he hol eiy gaa nannasatká hí bíníchallá túóyle hélle kimisat. Túóyallá he túóy máádhát, túoy he kúˈd le, tómón eiy le, tá a le.

Kí Edhesiny 14:11

Gál bíních kach ˈgúóllá ubaa binich yaalmitlé metle les kurram gaa ˈdaraan-, memeyo-, tá binich meenyle gúíyle gaalí guguoká iiy yegetká hé kulich ubaa chúúrélle héf ma ˈgiˈgisan, ˈjietlé hí manyjasichoká érle taalle bííyyo hai kekeme, muí yie.

Kí Edhesiny 14:9

Aalé máá ˈgasso-, urru-, éíy taaka-, ki seđeká gál ˈgasso-, urru-, naama kinaallá el gaa igire, af ˈdérká ˈdéé ki hodhe, kieye, Máá bíních kach ˈgúóllá ubaa binich yaalmitle metle les kurram gaa ˈdaraan-, héétí bíníchallá gúíyle iiy yeget-, gaalí mé bala, muuninyka, gíl guguoká,

Kí Edhesiny 15:2

Aalé yú đo hé hát bás ˈjiimidat-, bíélle ubaa ˈjiet hol warameká arge. Bas gál bíních giri kach ˈguoká ubaa yaalmitlé gaalí tág nieká met les kurram gaa ˈdaraanká điidhe-, binich meenyle túoyle gaalí guguoká úba điidheká hí ˈdú ˈgee. Gaal hé gaalí áár ki ˈdaraan-, Waaˈgietká gil ká ˈgaa.

Kí Edhesiny 17:5

Tá min mé balalle he veerít ká ˈgayye. He veerit kinaallá he meeny héllé gálaat hí muog-, kieye, bábilon guđoká, gál bábaská ubaa les héllé gaa nyakarichká ˈjiellé chieká.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 22:4

Mú gede lééllá mú innumle hai aargira, tá mú meenyle gáál met bala he ki ˈgee.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 7:3

ˈDaab Waag gedelle ke met bala ma gúinyká les ubaa bás, tá ˈguor haí ˈdeenêny, muí gáál yie.