Kí Edhesiny 12:9 - Fayam Midhab Yiesu Kiristoká He Hol Af Iđiny Kaanaká

⁹ Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 12:9 ပူးပေါင်းရင်းမြစ်များ

Matááyo 13:39

Kídhích iish sííndí totom gaa fieká he Sátan ííni. ˈGuom mé ˈdony íín he kúlích biiy el ˈdaˈdká. Tá gál ˈguom mé ˈdaraanká íín he Waag gállé ˈgasso-, urruká.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 4:1

Aalé Yíésu Hím Naasan Waaˈgiet hí ˈbakat ˈdú eete, giri Sátan hí ki ekemesetoká.

Matááyo 4:10

Yíésu đo Sátan geey, kieye, Sátan, ye innum gaa sí, Warˈgat Waaˈgiet hé hoteká kieye, Máá kua Guđo Waag tákámle viivíso, met gaa keekémo, he chie, Yíésu hí Sátan yie.

Matááyo 4:5

Aaléka, Sátan Yíésu ˈjien Yerusalem ˈdú eete, ˈBíl Waaˈgiet đírle állé ˈdérká mú ˈdú koyye,

Matááyo 4:8

Aalé hé kinaal el ˈdaal Sátan geđi Yíésu gúm ˈdérká mé ˈdug site, mú lésallá lulle ubaa kamurle argisiche,

Lúka 10:18

Mu gáál ˈdéé hol ˈdú nie, kieye, Sátan hát ír birgianáka úr gáá ˈjiiyye-, les ˈdaraanneká yáá arge.

Lúka 13:16

Tá ini Abiraayam-, Sátan hí warram tomon a síet báásh ˈdú iđichíéllá hé máá hí Kúlích Hef ˈGisannallá gaa biisuoká mân? muí mú yie.

Lúka 22:3

Aaléka Yúúˈdas giri Iskáryot lé-, gál lali-, tomon a naamaká mú tikiˈd onnoyká Sátan hí hille.

Lúka 22:31

Aalé Yíésu Bétiro vie, mú geey, kieye, Símon, Símon, bá dháash, Sátan hé gil ká efiyye, kúúni he ko feˈde, giri hát sííndíkaʼ ko ereny kiiychoká.

Lúka 8:12

Ár ˈgierich af ki okoˈdeká he hát gál giri ˈdeeny Waaˈgiet maalo-, kor kídhích giri Sátan léká ká yiimet-, gáál ˈdéé hodhinaam gaa egeet-, giri gaal ˈdéé iiy ma yegen-, gaal rubach ma aargirinyká.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

He Ekeny Gál Alb Fimiká 5:3

Aalé Bétiro Ananías vie, kieye, Ananías, háteka Sátan ko hille-, kuun Hím Naasan Waaˈgiet nyimisate-, bíre giri les yiateká ˈdáá tikiˈd hát hinyamietká kaatéel?

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Korínto ki Naamaká 11:14

Hééllá hé yaalmit gáál af ˈdaˈdabsichoká muuniny, ˈdaa giri Sátan íín úba hol máá ˈgasso-, Waaˈgietká ka hođichoká.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Korínto ki Naamaká 12:7

Har káána úba yú hé súm ˈdúwa-, Waag hí ye edhesichééllá argeka, Waag hé yú máá súm ˈdúwaká hol ká dhaˈgasanká ma fediny, in hiit ye ki ˈgite. Hiitééllá he Sátan máállé ˈgasso-, ye maanyjasuoká.

Korínto ki Naamaká 2:11

giri Sátan điđamlé muun gáál ká ˈgayyo-, ke ógallá ke kar ma shiginyká.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Dhesaloníke ki Naamaká 2:3

Ha máádhat hí ˈgierim mákártaká ki nyiimísan. Kúlích kinaallá hé ali ma kí ˈdeeminy, ˈdaab Waag af điiny er ali ma kí ˈdíiny-, máá hemuumurit Waaˈgiet điidhe-, Waag hí maanyjasichoká biiy yé ma gáá ˈdíinyká.

Tímote Erká 2:14

Héétí Áˈdam hé hí nyimiteká mán, minne in he hí nyimite, đo hemurit Waag hí shiicheká ˈdeeneyche.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yúúa 1:9

Ebá táb ˈdodhdhíe, Mikáyel har úba gál ˈgasso-, Waaˈgiet-, urruká máállé méteká kátaka, af giri mu ubaa kídhích kúnnaa Sátanléká gón Moshe ˈdaalleka hol ki fafalmeká, mu hé Sátan ma fichíliny, mu hé Sátan geeyká kieye, Máá Guđoká ííni ko il ki ˈdeđente, yie.

Kí Edhesiny 12:12

Úrru, kuun ubaa gál ko gaa ijóóllá lulkícho ger hí gaa meet! Les ubaa basso, hoba! ˈDaa giri Sátan hí ˈdu gáá leete-, hát bárle hol kí chalnateká óg-, idhanneká, héél ebá itín hí ki ˈdéen! ˈdéé hót hí chie.

Kí Edhesiny 12:3

Tá hé éíy taaka-, ke aˈdaˈdaboká geđi yú úr gaa arge. Áních guđo-, búr-, met hí tiiya-, metlé tiiya kinaal shotam kansimoká taat met eiy ká ˈguo-, gaas hí tomonká yú arge.

Kí Edhesiny 12:7

Aalé oos úr gaa shiiyye. Mikáyel ubaa gállé ˈgasso-, urruká áních giriká ubaa anich gállé ˈgassoká hol yies.

Kí Edhesiny 12:8

Anich đo gaalí ká adhdhe, ubaa gállé ˈgassoká gaalí úr gáá arie.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 16:14

Aryaan seđééllá he aryaan gál ˈgasso-, Satan-, hé gálaat hí af ˈdaˈdaboká ekemeycho-, les lulle gállé kaansúoká af gaa verenno-, giri gál kaansúo kinaal ali tikiˈd hol mé ˈdú egeyyo-, Waag hol yegeská. Oosééllá Waag fargogínt lulle ˈgayyoká kúlíchlé guđoká he ali kí ˈdeenne.

Kí Edhesiny 18:2

Aalé mu af ˈdérká ˈdéé ki hodhe, kieye, Bábilon Guđoká hé el hí ˈgidhe! Hé el hí ˈgidhe! ˈJien Babilon hé ény aryaan yie. Héétí hé aryaan gaa nyakaridhe-, met hí hol ká eiyyeká ubaa tere dhiginiyyoká tá đányár ˈdeđew-, gálaat hí nébká ífle yie.

Kí Edhesiny 18:23

Tá nyátáá édhúmle hé geđi ko ma gaa bolominy. Gál hol shugunatká afle hé geđi máá hí ko gaa mamaloká mán. Gál kua shokodaam hol gaa mamadieká hé les gállé kaamúreká yie, tá kidh lulle hé gilka he ním kuallá hí nyimisate.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 2:24

Tá it hí Dhayatíra gaa iđa-, hí he onisiny hodho-, gaalí Sátan héllé geer geđiká yegetallá el ma gaa véérinyatíá ha yú hí geey, yáá hí ilsh éíy taakaká ma ˈdú iđiminy.

Kí Edhesiny 2:9

Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.

Kí Edhesiny 20:10

Aalé Sátan gáál nyimisatééllá Waag hí bás ˈjiete-, waar ˈjiet hí gaa boloonká hí gaa ijo-, álle bíních giri kach ˈguoká ubaa bíních máá Waag hí ˈdeem ka shigicheká hol ka hoyká hí gaa ijoká ki layye. Aalé gaal kulich ubaa chúúrélle taalle bííyyo hai maanyjaa.

Kí Edhesiny 20:8

Sátan yíé hai ká ˈdeenne, kidh les met ˈdinnam áfúrle gaa ijo-, gaalí Gôg ubaa Mágog yegetká hai nyiimisata, gáál hollo hol ˈdu gáá shugunna, gáál oos hai ˈdú egeyye, gáál túoyle hát yóch bas innoká.

Kí Edhesiny 3:9

Bá dhaayyíe, gál ˈbíl ˈdiiyiminy Satanká hođomlé-, hol gál Waaˈgiet yeget-, kor gál Waaˈgiet muuninyallá héllé yú ki ekemeyoká onnóo. Gáál ha yú ká egee, gaal metkícho les kurram hai gaa ˈdarama, gaal hát yú hí gielká hai kiimita.

Kí Edhesiny 9:1

Aalé máá ˈgasso-, urru-, ki chenká faˈdle ˈdoy, đo yú hidhint úr gáá ˈjiiyye-, les ˈdoyyeká arge. Hidhint gaalí ˈguoˈd gaa ˈdér-, el mé mánká kúlfílle afle shie.

Kí Edhesiny 9:20

Gál hé seđééllá hí ma yíésiny-, les ˈdug kí ˈgitééllá hé héllé ˈdeđewká ma hâny, Waag bala ma ˈdú níiny. Gaal hátle aryáán ubaa waagam hódho-, gaalí hórkí, sibilaam ííkarská, gib raagarká, héétí waar ubaa ˈguor tág gaa nie-, hé argo ubaa mamalo mán-, hol ma gaa seseminyallá he vivita.