Kí Edhesiny 12:4 - Fayam Midhab Yiesu Kiristoká He Hol Af Iđiny Kaanaká

⁴ Áních kinaal wásle waanieká hidhino met seđ mé tikiˈd úr gáá okoˈde, les ˈdane. Anich min ˈdal hí ka chirateká bala ki ˈdie, giri min veellé ka ˈdalloká kokuoká.

Kí Edhesiny 12:4 ပူးပေါင်းရင်းမြစ်များ

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Kí Edhesiny 12:7

Aalé oos úr gaa shiiyye. Mikáyel ubaa gállé ˈgasso-, urruká áních giriká ubaa anich gállé ˈgassoká hol yies.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:2

Bíních kach ˈguo-, yú argééllá hát múóro ká yaalla, kor ˈgas hí taaka, ˈgasle súm guguđáan, dhúr ˈdaláfaká he ká ˈgaa, afle hát af luoch. Aalé áních giriká bíních kach ˈgúóllá fargogínt ubaa kara guchiká tá kansim guđo-, he ki mumuroká ˈguoká úba shie.

Kí Edhesiny 13:4

Aalé anich hemuumuritle bíních kach ˈgúóllá shie. Gálaat ˈdaa kinaal ˈdugaka áních kinaal met les kurram gaa ˈdane, meey. Gaal úba bíních kach ˈgúóllá met les kurram gaa ˈdane, meey, kieye, Mááya bíních kach ˈgúóllá ká yaalla? Bíníchallá hé máá níínní hol yegeská mán! yie.

Kí Edhesiny 16:13

Aalé yú aryaan gaa nyakaridhe-, seđe-, hát korkór ki ég-, áních giriká ubaa bíních giri kach ˈguoká tá bíních máá Waag hí ˈdeem ka shigichoká hol ka hoyká hí af yiem gáá ˈdieká arge.

Kí Edhesiny 17:18

Tá min kuuní argiyyééllá he ˈjien guđo-, gál kaansúo-, les gaa ijoká lúl he gaa mumuˈdoká.

Kí Edhesiny 20:2

Máá ˈgasso-, urru kinaal áních giriká ká ˈgiliˈgay, warram shíí tikiˈd gaa hiigidhe. Áníchallá he chár hele-, Waag kídhíchlé-, gaalí Sátan yegetká.

Kí Edhesiny 8:10

Aalé máá ˈgasso-, urru-, ki seđeká faˈdle ˈdoy, đo hidhint guđo-, hát ˈjietka boloonneká úr gáá ˈjiiyye, warram ubaa haˈdam met ˈdinnamlé seđeká mé ˈdíne tikiˈd les gaa ˈdoyye.

Kí Edhesiny 8:11

Hidhint meenyle Heđeʼ. Warram ubaa haˈdam mé ˈdíne-, hidhint hí les gaa ˈdoyyeká bietle heđey, tá ˈdaa giri biet heđeyká, gál burnayká kufe.

Kí Edhesiny 8:12

Aalé máá ˈgasso-, urru-, ki afurká faˈdle ˈdoy, đo aadh ubaa ˈgúíy tá hidhino met ˈdinnamlé seđeká met ˈdinnam taat Waag hí ˈdanne, met ˈdinnam Waag hí ˈdanne kinaal édhum ˈdabiyye. ˈDaa kinaallá ˈdugaka, kulich ubaa chúúre met ˈdinnam taat édhum ˈdabiyye.

Kí Edhesiny 8:7

Máá ˈgasso, urru-, erká faˈdle ˈdoy, đo ír waar ˈguoká ubaa ˈjiet fás hol ˈguoká les ˈdú okoˈde. Les met ˈdinnamlé seđeká mé ˈdíne tikiˈd ubaa ˈguorle ˈdunay, ísh nyuro-, hí gaa ˈgieká lúl úba ˈdunay.

Kí Edhesiny 8:8

Aalé máá ˈgasso-, urru-, ki naamaká faˈdle ˈdoy, đo hé gúm guđoká ki ég-, ˈjiet hí gaa boloonne mare gaalí bás ki lay. Aalé bás met ˈdinnamlé seđeká mé ˈdíne tikiˈd fás yie,

Kí Edhesiny 8:9

hé luogol-, bás gaa ijeká met ˈdinnamlé seđeká mé ˈdíne tikiˈd lúl hí kufe, héétí kadís met ˈdinnamlé seđeká mé ˈdíne tikiˈd lúl eiy baabaanne.

Kí Edhesiny 9:10

Waasle hát waas genyam hirís ˈgayyoká. ˈGamutaach fargogintlé he gálaat ˈguiyam chen gaa maanyjasuoká waaslé kinaallá he ká ˈgaa.

Kí Edhesiny 9:19

Faráállá farguoginsamle af ubaa waaso he ká ˈgie, waasle hát chaara, hé af gálaat ki kokuoká ˈgie.