Kí Edhesiny 12:11 - Fayam Midhab Yiesu Kiristoká He Hol Af Iđiny Kaanaká

¹¹ Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 12:11 ပူးပေါင်းရင်းမြစ်များ

Lúka 14:26

Máádhat ye ˈdu gáá yimet-, kor íín ˈjaalle, ˈjielle, minle, umle, nyaaramlé yaabká ubaa ˈdietká, tá sídhle dhúrle biiy met kuo-, yú ye biiy el kí maduoká, máá kinaallá hé máá lalichú ma yegen.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 21:13

Aalé Báulo nyí ˈdéé hol ˈdu gáá nie, kieye, Háteka hí bebeenne-, hí ye gúóf gaa gagalicháal? Yerúsalem yú sedheka, Máá Guđo Yíésu meenyle ˈdugaka hiigin úba kí hayo, kúfach yáá ki ég, muí nyí yie.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Korínto Erká 15:57

Aalé Waag Máá kúnnaa Guđo Yiesu Kirísto ˈdaalleka muun gáál fargogint ke hééllá lulle kí aađaatká ka shigichóóllá, kí gielmít hol ˈdú naannuo!

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 5:5

Mááya hé lesalloká ká aađadhdha? Máá Yíésu hát Iny Waaˈgietká iiy yeetká tákáma hé lesalloká ká aađadhdha.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 11:7

Aalé af giri gál naamáállá ˈdeenylé Waag hí ká shiicheká lulle huogodheká, bíních ˈguoˈd gaa ˈdér-, el mé mánká yé gáá ˈdeˈdeenká hai ká ruuma, gáál hai ká aađadhdha, gáál hai yeese.

Kí Edhesiny 12:17

Aalé anich đo min ˈdú idhane, kie, giri min umlé les ki ˈgite-, Waag hemuumuritle ki ˈgie-, Yíésu ˈduuwle hogodhoká ˈdú ruruanká.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.

Kí Edhesiny 2:26

Máá hé lesalloká ká adhat-, hé yú fedoká ekemeyoká, máá kinaallá kansim giri kidh mé ki yaalká ha yú shigia.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.

Kí Edhesiny 3:5

Máá hé lesalloká ká adhatká hát gaal ííníílláka đafaraam eegedhká hai faadhdha. Yáá máállá meenyle warˈgat luolmitiká ma gaa hogoliny, ˈJaachú ubaa gállé ˈgasso-, urruká metle mu hát mááchúká ha yú gaa hogodho.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.