Kí Edhesiny 11:9 - Fayam Midhab Yiesu Kiristoká He Hol Af Iđiny Kaanaká

⁹ Kulich seđ tá kúlích éíy taaka mé ˈdáá tikiˈd gál gálaat, émeet, afano ubaa kidh hí hol ká eiyyeká yé gáá ˈdieká gáál réfle hai dhaˈgama, gáál ˈgon hai điidhma.

Kí Edhesiny 11:9 ပူးပေါင်းရင်းမြစ်များ

Matááyo 7:2

Har hí gálaat ˈdeđenseteka, Waag úba hát tikiˈde kinaallá haí ˈdeđensete. Hé hí he ki ekemeycho-, hí gálaat he ki fafiyyoká, in úba Waag hí he kí fafiyya.

Kí Edhesiny 10:11

Aalé gaal ye geey, kieye, Kuun aalé gon geđi kidhano ubaa émeeto, tá gáláát afano hí hol ká eiyyeká ubaa kansimano burnayká ˈdeemlé Waag hí ko shigichoká gálaat geđicha, ye yie.

Kí Edhesiny 11:11

Aalé kulich seđ tá kúlích éíy taaka mé ˈdáá tikiˈd kinaal hí ˈgiteká, hím niiny luolmiti-, Waag yé gáá ˈdiiyyeká gál naamáál hille, in gaal les gaa kie, lođaat ˈdie, tá gál gáál argeká sierm guđoká hí faanne.

Kí Edhesiny 13:7

Aalé binich anich hí mé fure, giri binich Waag gállé les ˈdug ˈdú ijoká ˈdú ruruan-, gáál ká aađaat-, kidhano ubaa émeeto tá gáláát afano hí hol ká eiyyeká lulle úba he ki mumuroká.

Kí Edhesiny 17:15

Aalé máá giri ˈgasso-, urru kinaal geđi ye geey, kieye, Biet kuuní argiyye-, min babasidheká hí ˈdug ˈdú iđééllá he gálaat ubaa nyesebim, tá kidh af hí hol ká eiy eiyyeká.

Kí Edhesiny 5:8

Aalé mu warˈgát eedhdheká, hé giri luogol-, afurká ubaa karu giri tomonaam naama a afurká Élíny ˈgas met abuunam les gaa ˈdane. Hé luogol kinaal ubaa gaal íín lúl hé áár ki ˈdaraanká ubaa kedm horki-, eruká gil ká ˈgaa. Eru kedm yé gáá ˈdeˈdeenallá he Waag visan gál Kirísto iiy yieká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.