Kí Edhesiny 11:8 - Fayam Midhab Yiesu Kiristoká He Hol Af Iđiny Kaanaká

⁸ Gál naamáállá réfle ˈjien ˈdúwa-, álle gaalí gáál Máállé Guđoká ˈgór đarám yaalká ˈdú yieská náble gaa iifa. ˈJien kinaal gálaat hát he hol ki ekenyáka Sóˈdom, muuninyka, Misiráyim hí yegedhe.

Kí Edhesiny 11:8 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

He Ekeny Gál Alb Fimiká 9:4

Mu đo le ˈdoy, ˈdéé hót hí geđicheká maale, ˈdéé hót kieye, Sáwul, Sáwul, háteka kó ye maanyjasichóol? ˈdéé hót hí chie.

Héberew 13:12

Hát tikiˈde kinaallá in Yíésu úba é sug he il hí gaa argiyye, kufe, giri fásle ˈdaalleka gálaat ađaabano ubaa nyuogim gaa dhidhiroká.

Héberew 6:6

tá Waag af gaa tameká, hé hát níínní gaalí hol ká nuo-, Waag makan faanká mán. Gaal íín dhúrle geđi Kirísto he ˈgór đarám yaalká ˈdú ˈdoy, mú gálaat met gaa eeshey.

Bétiro ki Naamaká 2:6

Waag úba hé kíssóótí ˈjien Soˈdom ubaa ˈjien Gomora gálle héllé ˈdeđew-, eekemeyká ˈdaalle ˈdugaka, hé ˈjien kinaal ubaa gálle ˈjiet gaa veeˈde, ég hoyche. Hééllá he gál Waag af điđidhanká il gíl gaa helitlé.

Yúúa 1:7

Hát hatallóóllá, ˈjien Soˈdom ubaa ˈjien Gomora tá ˈjienlé hí lag ijeká gálle herginy goramká ubaa babat giri gál yááble hol hergisanká hol ˈdú hayká in Waag hí ˈjiet ki beesete. Hé kinaallá he il gíl gaa helit-, gál Waag af đuˈdusoká hát hí ˈjiet biiyoká ki maanyjawká.

Kí Edhesiny 11:13

Tá aadh ˈgás tikiˈde kinaal les súm mootoonne, ˈjien met tomon mé tikiˈd hí ˈgieˈgey, les ˈdane. Gáál shíí tiiya les motiny kinaal hí chies, tá gál ka ˈgiteká Waag Úr Iđoká kiadhe, ˈdúúw shie.

Kí Edhesiny 11:9

Kulich seđ tá kúlích éíy taaka mé ˈdáá tikiˈd gál gálaat, émeet, afano ubaa kidh hí hol ká eiyyeká yé gáá ˈdieká gáál réfle hai dhaˈgama, gáál ˈgon hai điidhma.

Kí Edhesiny 14:20

Aalé saano vinna kinaal gaalí ˈjien sug Waag állé idhoká gaa ˈdue. Ál kinaal đo fas hí gaa fame. Fás gaa múúgantle ubaa farich ˈdermitle tikiˈde. Fas ˈdáb gaa fameká fagintle ki ˈgas ki sedheka sienyle ram hí tomon tikiˈde a afur.

Kí Edhesiny 14:8

Aalé máá ˈgasso-, urru-, éíy taaka-, ki naama-, máá ˈgasso-, urru kinaallá he el gaa igire, kieye, Bábilon Guđoká hé el hí ˈgidhe! Hé el hí ˈgidhe! Hééllá he ˈdaa giri Bábilon baltlé gaa nyakaridheká ˈduunyle kidh lulle mé ki tiiyye-, kidh hí igianká, muí yie.

Kí Edhesiny 16:19

Aalé ˈjien giri guđo-, Bábilon léká eiy seđ ká ˈgiiˈgite, tá kidh éíy taakáátíá ˈjienle úba eiy ˈgiiˈgite. Af kinaal Waag Bábilon Guđóóllá ˈdeentle táb ˈdoote, he ˈdú moyche, giri Waag kulullé ˈduu idho-, guđoká Bábilon hí igianká.

Kí Edhesiny 17:1

Aalé gál giri tiiya-, ˈgasso-, urru-, kedm tiiyaká ˈguoká mú tikiˈd ye ˈdú gáá yimie, ye geey, kieye, Káde, min guđo-, babasidhe-, biet burnayká ˈdug ˈdú iđóóllá ˈdeeny Waag hí ki iđimichóóllá yú ko ká argisia.

Kí Edhesiny 17:18

Tá min kuuní argiyyééllá he ˈjien guđo-, gál kaansúo-, les gaa ijoká lúl he gaa mumuˈdoká.

Kí Edhesiny 17:5

Tá min mé balalle he veerít ká ˈgayye. He veerit kinaallá he meeny héllé gálaat hí muog-, kieye, bábilon guđoká, gál bábaská ubaa les héllé gaa nyakarichká ˈjiellé chieká.

Kí Edhesiny 18:10

Gaal ˈjien manyjasinyle siermle haí faanna, gaal geđéétí hai ki ˈdeeme, kieye, Hoba! Hoba! Kó ˈjien guđo-, fargogo-, Bábilon lééllo, he il ká argisinykú aadh ˈgas tikiˈde đo ko af kí ˈdííyye? hai yeedhe.

Kí Edhesiny 18:18

Gaal ˈjien ˈdunnumeká érle argeká koˈdam ˈdane, kieye, ˈJien ya hát ˈjien guđóóllá ki eg? yie.

Kí Edhesiny 18:2

Aalé mu af ˈdérká ˈdéé ki hodhe, kieye, Bábilon Guđoká hé el hí ˈgidhe! Hé el hí ˈgidhe! ˈJien Babilon hé ény aryaan yie. Héétí hé aryaan gaa nyakaridhe-, met hí hol ká eiyyeká ubaa tere dhiginiyyoká tá đányár ˈdeđew-, gálaat hí nébká ífle yie.

Kí Edhesiny 18:21

Aalé máá ˈgasso-, urru-, fargogoká wár guđo hát nyátáábáká eedhdhe, bás ki lay, kieye, Hát tikiˈde-, fargogintííllá Waag ˈjien guđo-, Babilonallá af hai ki beđisata. ˈJienééllá hé geđ máá níínní hí aargiroká mán.

Kí Edhesiny 18:24

Gál Waag hí ˈdeem ká shigicheká ubaa gál Waag hí gálle hosoteká fásle ubaa gál éíy taaka les ˈdú ije-, Bábilon hí chieská lulle fásle hé Waag hí Bábilonallá gaa argiyye, máá ˈgasso-, urru kinaal hí yie.