Kí Edhesiny 11:3 - Fayam Midhab Yiesu Kiristoká He Hol Af Iđiny Kaanaká

³ Aalé yú gál chia naama-, gálaat ˈduuwchú geđuoká ha haađia, giri gaal sharim fafaat-, gaal ram shíí tikiˈd, kúˈd eiy naama, tómón eiy le ˈdeem yú shiguoká gálaat ki ˈdiyeenká, Waag hí ye chie.

Kí Edhesiny 11:3 ပူးပေါင်းရင်းမြစ်များ

Matááyo 11:21

Mu ˈdéé huogodhe, kieye, Ény Korasinallo! Ény Beđesaidáállo! He hát hí ki ˈdeewká onnóo! Hé burnay-, gálaat hí af ˈdaˈdabo-, yú hí hurt gaa ekeyká héle gaalí ˈjien Turo ubaa ˈjien Siˈdon gaa ekênyka, gál ˈjien kinaalloká kisso onnônyka he sharim hite, egem ˈjidhdhe, Waag makan fame.

Matááyo 18:16

Har he ko af nee ma konyka, máádhat éew, muuninyka, gáál naam hol eedhdhíe, giri aadh ˈdaatika, gál ko ˈdú ijo-, ko ˈdéé ˈdú chichiratká naam ubaa seđ nyuoroká.

Lúka 10:13

Aalé mu geđi kieye, Ény Korasinallo! Ény Beđesaidáállo! Hééllá onnóo! Hé burnay-, gálaat hí af ˈdaˈdabo-, yú hí hurt gaa ekeyká héle gaalí ˈjien Turo ubaa ˈjien Siˈdon gaa ekênyka, gál ˈjien kinaalloká kisso onnônyka he sharim hite, egem ˈjidhdhe, Waag makan fame.

Lúka 24:48

It giri hí hééllá argiyyeká in hí gálaat ki ˈdiyeenne.

Yuána 15:27

Aalé ˈdaa giri kíssóótí ke hol ˈgie-, káána đigallá itín úba ˈduuwchú gálaat haí geđicha.

Yuána 3:27

Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 13:31

Mú rám burnayyeká gál hol Galilááya gáá eedhdhe-, hol Yerúsalem ˈgar sedheká úba hí arge. Gál kinaallá gál mú ˈdúúw ˈdú ˈdie-, káána gálkúnno geđuoká.

He Ekeny Gál Alb Fimiká 2:32

Waag hé Yíésu kinaallá loolnoyche, uushich yé gáá ˈdeeyche, tá nyíín lulkínyo nyáá nyí hé kinaallá ˈdúúw ˈdú ˈdiiyye.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

Korínto Erká 12:28

Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.

Korínto ki Naamaká 13:1

Hééllá sieny chia ki seđe-, yú hí ˈdú gáá yiimetká. Warˈgat Waaˈgiet kieye, Ali gál misigír naama-, muuninyka, seđeká hí gaa ijoka, ˈdéé eiyyo gaalí hol gaa nannaa, he chie.

Eféso 4:11

Kirísto ííni gáál hujichaam met eiy ki kuokoy. Mu gáál ˈbáál gál alb fimi hoy, gáál ˈbáál gál Waag hí ˈdéé ka shigichoká hoy, gáál ˈbáál gál gálaat Fayam Midhabká ki ˈdiyeenká hoy, tá gáál ˈbáál gál gál Kirísto iiy yieká ˈdeˈdeen-, he oonisuoká hoy.

Kí Edhesiny 11:2

Tá ˈBíl Waaˈgiet náblé baaˈdietká ha ˈdermitle dháany, hash, ˈdaa giri náb kinaal yú gál gálchú muuninyká ˈdú hay-, gaal ˈjien Waaˈgiet ˈguiyam tomonaam afur a naam gaa waasoká.

Kí Edhesiny 11:6

Gál naamáállá hé fargogint úr af gaa kokuo-, giri rám gaalí ˈdeem Waag hí gáál ka shiicheká gaa ˈdiyeen-, ír níínní hí gáá tuuno-, mánká ˈguo. Héétí gaal hé fargogint bie hol gaa lalaan-, bie fás hođuo-, ubaa hé gálaat ki ˈdeew-, met hí hol ka burnayká af he fedoká les ˈdú gáá haađuoká úba ˈguo.

Kí Edhesiny 12:6

Aalé min đo ˈbakat ál Waag hí tág ki koyye-, Waag hí ram shíí tikiˈd-, kúˈd eiy naama-, tómón eiy leká gaa wawaychoká kar ˈdú ˈdoyye.

Kí Edhesiny 13:5

Aalé binich anich hí ere ˈdeem hol meeny-, ubaa Waag chaarim hí yé gáá ˈdeˈdeenká shie. Anich binich ˈguiyam tomonaam afur a naam mé gaa fure, giri binich hát fedoká seseen-, fargogintle he ki ekemeyoká.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.