Kí Edhesiny 11:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé ˈBíl Waaˈgiet urruká gaalí af fure, sanˈdug he hol af iđiny-, Waaˈgiet-, ˈbíl gaa iđeká gaalí arge. Ir đo biirgime, ˈgeˈget sheesheenne, yaaˈde, les mootoonne, ír waar guguđoká ˈguoká ká tune.

Kí Edhesiny 11:19 ပူးပေါင်းရင်းမြစ်များ

Kí Edhesiny 11:13

Tá aadh ˈgás tikiˈde kinaal les súm mootoonne, ˈjien met tomon mé tikiˈd hí ˈgieˈgey, les ˈdane. Gáál shíí tiiya les motiny kinaal hí chies, tá gál ka ˈgiteká Waag Úr Iđoká kiadhe, ˈdúúw shie.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 12:1

Aalé hé guđo-, ke aˈdaˈdabo-, úr yé gáá ˈdieká yú arge. Min aadh hát đafarká kaate-, ˈguiy hí ˈgas gim gaa ijo-, tá shóte horki-, hidhino tomon tikiˈd a naam-, hí gaa ˈgieká mé ká ˈgayyoká yú arge.

Kí Edhesiny 16:1

Aalé yú ˈdéé hót ˈdér-, ˈBíl Waaˈgiet yé gáá ˈdiiyye-, gál giri tiiya-, ˈgasso-, urruká geeycheká maale, ˈdéé hót kieye, Sedhíe, kedm giri tiiya-, idho Waaˈgiet hí gaa iđoká les ˈdú ookodmía, chie.

Kí Edhesiny 16:18

Aalé ir biirgime, ˈgeˈget đo sheesheenne, yaaˈde, les mootoonne. Les motiny hat kinaallóóllá ameeny gálaat Waag hí les ka koyyeká hé kálta máá hí argeká mán, hé tág guđo, kor úba súm ˈdeew.

Kí Edhesiny 16:21

Héétí ír waar guguđoká ˈguo-, tikiˈd ilshamle hát wár ilishkáka úr gáá okoˈde, gálaat ˈdú ˈdane. ˈDaa giri ír waar ˈguo-, kinaal súm ˈdeewká gálaat Waag chaachare.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 4:1

Hééllá lulle yú argeká, úr af hí furme yú arge. ˈDéé hót er yú maale-, faˈd shímle ki égká geđi ye geeyche, kieye, Úr ál yú ijóóllá mé ká naʼ. Hé yú ko geeyallá elle yaalmisano yé ká ˈdeˈdeenká ha yú ko ká aargisia, ˈdéé hót hí ye chie.

Kí Edhesiny 4:5

Kara guchi kinaal édhúm birgachle gogo-, yaarít ubaa ˈgeˈget fargogoká hí yé gáá ˈdie. Kára metle nyátáá tiiya-, gaalí ˈjiet gaa iđimuoká hí gaa boloyye. Nyátáá tiiya kinaallá he hím naasan tiiya-, Waaˈgietká.

Kí Edhesiny 7:15

Hééllá ˈdugaka in gaal kara guchi-, Waaˈgietká met ˈgee. Gaal Waag hújíchle ˈBíl Waaˈgiet kulich ubaa chúúrélle gaa nannaa. Waag karallé guchi-, ˈdú iđóóllá gáál hai buanna.

Kí Edhesiny 8:5

Aalé máá ˈgasso-, urruká ˈduno bolomeká kúb suoryoká ˈdug gáá shuunne, kedmit gíl ka ˈgie kinaal ká fadhdhe, ˈduno les ˈdú okodie. ˈDuno bolome kinaal les ˈdú okoˈdeká ˈgeˈget đo shiiyye, yaaˈde, ir biirgime, les úba mootoonne.

Kí Edhesiny 8:7

Máá ˈgasso, urru-, erká faˈdle ˈdoy, đo ír waar ˈguoká ubaa ˈjiet fás hol ˈguoká les ˈdú okoˈde. Les met ˈdinnamlé seđeká mé ˈdíne tikiˈd ubaa ˈguorle ˈdunay, ísh nyuro-, hí gaa ˈgieká lúl úba ˈdunay.