Kí Edhesiny 11:18 - Fayam Midhab Yiesu Kiristoká He Hol Af Iđiny Kaanaká

¹⁸ Kidh hé idhane, kor káána idhokú hé ká chimie. Bar hé ali kí ˈdiiyye, giri gál kufeká kuun hí ˈdéé ki iđimicho-, gede kua gál kuun hí ˈdeem ka shigicheká yíekaʼ, gál kuun hí hol taak ki koyyeká yíekaʼ, héétí gál meenykú kikiat-, ˈduuˈdúwaká yíekaʼ, aađaká yíekaʼ, kuun gáál símísle hélle hol ˈdú nanniyyo-, tá gál les ˈdeđeneyoká kuun hí he il ká aargisichoká, karu hí yie.

Kí Edhesiny 11:18 ပူးပေါင်းရင်းမြစ်များ

Matááyo 5:12

Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Lúka 1:50

Waag gál hí iiy yie-, hí kikiatká hátlé hol ka hođuoká geer haí ˈdú guudhdha.

Héberew 9:27

Aaléka, máádhat a tikiˈd tákáma he ki kufuma, tá hé kinaal el ˈdaalka hé ˈdéé ki iđiny hí egeto.

Kí Edhesiny 10:7

Af giri máá ˈgasso-, urru-, ki tiiyaká faˈdle ˈdaraanká, hé geer geđi-, Waaˈgietká hai ká ˈduuwaa. He hát giri Waag hí gállé géde-, ˈdeem ka shigicheká geeycheká hai ˈdeeme, muí yie.

Kí Edhesiny 11:2

Tá ˈBíl Waaˈgiet náblé baaˈdietká ha ˈdermitle dháany, hash, ˈdaa giri náb kinaal yú gál gálchú muuninyká ˈdú hay-, gaal ˈjien Waaˈgiet ˈguiyam tomonaam afur a naam gaa waasoká.

Kí Edhesiny 13:10

Máádhat har máá gaalí ugunanká kátaka, ha gaalí ugunma. Máádhat har máá gaalí faaˈd órofká ki yegeská kátaka, faaˈd órofká ha gaalí ki yeese. Yaalmitééllá ˈdugaka gál Waaˈgiet hí mé ki chiichirsat, hí iiy yeenlé Yíésu iiy yieká tág chirat.

Kí Edhesiny 13:16

Aalé bíníchallá gálaat lulle he ki mure, gál niginiká yíekaʼ, gál guguđoká yíekaʼ, gál kaamúreká yíekaʼ, gál he maamanká yíekaʼ, gál gédeká yíekaʼ, gál ađaaká yíekaʼ, gaalí gillé ˈdaa naanietká, muuninyka, met bala guguoká.

Kí Edhesiny 14:10

máá kinaallá Waag idholle ˈduunylé kamadhe-, Waag kulullé idhoká gaa ijoká hai igima. Máá kinaallá Waag gállé ˈgasso-, urruká ubaa Élíny metle ˈjiet ubaa waar ˈjiet hí gaa boloonká haí maanyjasia.

Kí Edhesiny 15:1

Aalé yú hé éíy taaka-, guđo-, gáál af ˈdaˈdabsuoká úr gaa arge. Hé yú arge kinaallá he gál ˈgasso-, urru-, tiiyaká ubaa héllé met hí tiiya-, gálaat ki ˈdeew-, biiy el ˈdaˈd-, Waag idholle mé ˈgiidhuoká.

Kí Edhesiny 15:7

Aalé hé giri luogol-, afurká he tikiˈd gál ˈgasso-, urru-, tiiyáállá kedm tiiya-, horki-, Waag taalle bííyyo ali iđóóllá idholle hí koch kochká eiy eiy taat shie.

Kí Edhesiny 18:6

Hát ˈjien íín hí gálaat manyjasieká ˈjienééllá manyjasiny úba il hí argiyyo. Hé ˈjien hí gáál ki ekeychééllá ˈjien a naam hol ˈdú naʼ. ˈJien kulullé imi-, gáál ki fieká ˈdaˈdab kinaallá úba ˈjien a naam hol ˈdú naʼ.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 19:18

giri réf gál kaansúoká, réf yuoy ubaa gállé hí met ki ˈgieká, réf fara ubaa gállé hí ˈdú ijeká, gálaat lullé-, gál aađaká yíekaʼ, gál gédeká yíekaʼ, gál kaansúoká yíekaʼ, gál kansimano mánká yíekaʼ, refanolle hí kokonyoká.

Kí Edhesiny 19:5

Aalé kara guchííllá álle ˈdéé hót hí yé gáá ˈdiiyye, ˈdéé hót kieye, Ameeny it Waag gedellé-, hí gál ˈduuˈdúwaká yíekaʼ, hí gál aađaká yíekaʼ, hí mú kikiatóóllo, Waagkúnno meemeyyíe, chie.

Kí Edhesiny 20:12

In aalé yú gál ˈduuˈdúwaká ubaa gál aađa-, kis kufe-, kara guchi kinaal met gaa ˈgieká arge. Warˈgasam gaalí af fure. Warˈgat éíy taaka úba gaalí af fure, warˈgat kinaallá he warˈgat luolmitiká. Tá gál kufeká héllé eekemey-, gaalí warˈgasam gaa veereká ˈdugaka in Waag hí ˈdéé ki iiđimiche.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.

Kí Edhesiny 22:12

Yíésu kieye, Bá dhaayyíe, yú ˈjobintééllá ha gáá ˈjeeme. Gálaat héllé eekemeyká eiyyo yú hol gaa nannaa. Gál hé midhabká eekemeyká hé shiicho ha yú shigia, gál hé ˈdeđewká eekemeyká íín he illo yú ká aargisia.