Kí Edhesiny 1:9 - Fayam Midhab Yiesu Kiristoká He Hol Af Iđiny Kaanaká

⁹ Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 1:9 ပူးပေါင်းရင်းမြစ်များ

Matááyo 20:23

Yíésu gáál geey, kieye, Hé ˈduwa, kulu chiallá úba haí igianna, tá gíl ˈdaa chia naanietká ubaa gíl ˈdaa chia ˈjíbachká yíéđinyle, hé yú ma ká mumuriny. Alb kinaallá hé gállé ˈJaachú hí tág ki nieká ˈgayyo, Yíésu hí gáál yie.

Márko 10:39

Aalé gaal kieye, Nyáá nyí uˈda! gaalí yie. Aalé Yíésu gáál geey, kieye, Kulu yú igianallá úba haí igianna. Bie gim naan yú gaa nannaatallá haí gaa naata.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Róóma 8:25

Tá hé ke met egesoká hátle ke ma arginyka, ke taalle mé ki chiirsat-, ke Waag iiy yeget-, ˈjíig ke hé ke feditle ˈguo kinaal il ki aargiroká.

Korínto ki Naamaká 1:7

Hééllá ˈdaakíchoka ˈduuwle nyáá nyí óg, manyjasiny hát káána nyiin il hí nyí aargiˈdóóllá itín úba hí aargiˈdóóllá, góf Waag hí nyí shigichóóllá Waag úba haí shigicha.

Filíbi 1:7

ˈDaa giri yú hí mé ká ˈguoká, hééllá ˈdaa kíchoka tawunyle yú taawuokáka taglé. Har káána úba yú nyarugano hiiginká ye ki ˈgíéllákaʼ, Fayam Midhaballá eiy nannuo-, ˈduuwle hogodhóóllákaʼ, it lulkícho ˈdúˈjím Waaˈgiet ki hol ˈgar aargiro.

Filíbi 4:14

Tá hé ye ki ˈgeeˈgerneyká hát hí ye yiir kí chirateká hé tág midhab.

Dhesaloníke ki Naamaká 3:5

Máá kúnnaa Guđo Kirísto lééllá hí kaskícho gielmit Waaˈgiet ubaa mé ki chirsan hí shiguoká hí ˈdú eew.

Tímote ki Naamaká 1:8

Aaléka, Máá kúnnaa Guđóóllá fayamle ˈdiyeennoká kern hai ko ˈgíˈgin, héétí yáá mú ˈdaalleka hiigin gaa ijóóllá yaalmit chiallá hai úba ko kern ˈgidhîny. Tá ˈdaa fargogint Waaˈgietka, Fayam Midhaballá manyjanyle kí hol ˈgar maanyjaw.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 1:6

Mu hé muun gáál gugúch koy, gáál gál mú ˈJaallé Waag hujich ki nannuoká hoy. ˈDuuw ubaa gúch taalle bííyyo hí mú hélle yeet. Iiy-hí, he hí hát kinaallá yeet.

Kí Edhesiny 11:7

Aalé af giri gál naamáállá ˈdeenylé Waag hí ká shiicheká lulle huogodheká, bíních ˈguoˈd gaa ˈdér-, el mé mánká yé gáá ˈdeˈdeenká hai ká ruuma, gáál hai ká aađadhdha, gáál hai yeese.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 12:17

Aalé anich đo min ˈdú idhane, kie, giri min umlé les ki ˈgite-, Waag hemuumuritle ki ˈgie-, Yíésu ˈduuwle hogodhoká ˈdú ruruanká.

Kí Edhesiny 13:10

Máádhat har máá gaalí ugunanká kátaka, ha gaalí ugunma. Máádhat har máá gaalí faaˈd órofká ki yegeská kátaka, faaˈd órofká ha gaalí ki yeese. Yaalmitééllá ˈdugaka gál Waaˈgiet hí mé ki chiichirsat, hí iiy yeenlé Yíésu iiy yieká tág chirat.

Kí Edhesiny 14:12

Hééllá ˈdugaka gál Waag hemuumuritle ubaa iiy yeen Yíésu iiy yieká ki ˈgieká hí mé ki chirsat.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.