Kí Edhesiny 1:4 - Fayam Midhab Yiesu Kiristoká He Hol Af Iđiny Kaanaká

^4-5 Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 1:4 ပူးပေါင်းရင်းမြစ်များ

Yuána 1:1

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

He Ekeny Gál Alb Fimiká 19:10

Mu warram naam gáál ˈdeenyéél hatal gaa onisie, ˈjíig gál giri lés Asia gaa ijeká, gál Yuuˈdi yíekaʼ, gál Hellen yíekaʼ, lulle hí ˈdeeny Máá Guđoká gaa maale.

He Ekeny Gál Alb Fimiká 2:9

Múúni ki állá ˈgíéllá ki gál lés Bartia, gál lés Meˈdia, gál lés Ellim, gál lés Mesobotamia, gál lés Yuuˈdia, gál lés Kabaˈdosha, gál lés Bontos, gál lés Asia,

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Korínto Erká 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Korínto ki Naamaká 1:2

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Héberew 13:8

Yiesu Kirísto hé hol ma gaa sorominy. Mu he máá tikiˈde gefere-, ubaa kulichallo-, tá biiyoká.

Yákob 1:17

He lullé shiicho-, gaa ˈdabaan-, midhabká úrro he yé gáá ˈdeˈdeme. Hé shiichóóllá Waag úr édhúmle ká kuonneká he yé gáá ˈdie. Waag hé hát gaach hol gaa mamaˈdóóllá hol ma gaa mamadiny.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:17

Yú mú argeká, hát máá kufekáka mú ˈgas met les gaa ˈdoy. Aalé mu ye gíllé ˈdaa naanietká ˈdú iifie, kieye, Ha bírginy, yú he Erkob ubaa Biiy El ˈDaˈd,

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 1:8

Máá Guđo Waag kieye, Yú he Álfa ubaa Oméga, Waag ali iđo-, kísóótí ali iđe-, tá bár ka chiimetóótíá úba ali iđo-, fargogínt lulle ˈgayyoká, he chie.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 16:5

Aalé yú máá ˈgasso-, urru-, biet mé ki yaalallá af maale, mu kieye, Kó ˈdúwa-, saas mán-, kis ali iđe-, tá bííyyo ali iđóóllo, yaalmit giri kuuní gálaat ˈdeem ki iđimichóóllá he yaalmit ˈdúwaká.

Kí Edhesiny 2:12

Gál Kiristo ˈjien Bergamon gaa ijoká máállé urru-, ˈgassoká ˈdeenyééllá ˈdú véer. Máá faaˈd órof-, ˈdinnam hullaalle gáá alléká ˈguoká ˈdeenyle hééllá:

Kí Edhesiny 2:18

Gál Kiristo ˈjien Dhayatira gaa ijoká máállé urru-, ˈgassoká ˈdeenyééllá ˈdú véer. Iny Waaˈgiet in hí hát ˈjiet bólo-, ˈgas met hí hát gib boloonká ki égká ˈdeenyle hééllá:

Kí Edhesiny 2:8

Gál Kiristo ˈjien Simirna gaa ijoká máállé urru-, ˈgassoká ˈdeenyééllá ˈdú véer. Máá Erkob ubaa Biiy El ˈDaˈd lé-, kufe-, kor geđi loolnodheká ˈdeenyle hééllá:

Kí Edhesiny 22:16

Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.

Kí Edhesiny 22:8

Yáá Yuána lééllá he máá hééllá lulle maale-, tá he il ki argeká. Hééllá lulle yú maale-, tá yú il ki argeká, yú máá ˈgasso-, urru-, ye hééllá argisíéllá ˈgas met les gaa ˈdoy, giri yú mú memeyoká.

Kí Edhesiny 3:1

Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá:

Kí Edhesiny 4:5

Kara guchi kinaal édhúm birgachle gogo-, yaarít ubaa ˈgeˈget fargogoká hí yé gáá ˈdie. Kára metle nyátáá tiiya-, gaalí ˈjiet gaa iđimuoká hí gaa boloyye. Nyátáá tiiya kinaallá he hím naasan tiiya-, Waaˈgietká.

Kí Edhesiny 4:8

Hé luogol-, afurallá lulle kuol hí lelle, gónle ubaa kuolle lulle in biiy ki dhaˈgasanká hí kuˈd. Kulich ubaa chúúrélle hé árallá ˈdony ali ma kokony. Ár kieye, Máá Guđo Waag fargogínt lulle ˈguo-, kíssóótí ali ije-, káána ali ijo-, tá bár ka chiimetká úba ali ijoká he Máá ˈdúwa-, saas mán-, saas mán-, saas mánká! aar hí yie.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.

Kí Edhesiny 8:2

Aalé gál ˈgasso-, urru-, tiiya-, aadh lulle Waag met ˈgieká yú arge. Gáál gaalí faˈd tiiya eiy taat shie.