Kí Edhesiny 1:2 - Fayam Midhab Yiesu Kiristoká He Hol Af Iđiny Kaanaká

² Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:2 ပူးပေါင်းရင်းမြစ်များ

Yuána 1:32

Aaléka, Yuána hé argeká huogodhe, kieye, Yáá Hím Naasan Waaˈgiet hát hóleka úr gáá lelete-, mú ˈdú yíéđiyyeká arge.

Yuána 12:17

Aaléka, Yíésu af giri Lasááro vie-, mú uushich yé gáá ˈdeeyká, nyésébích mú hol ˈgie-, héél lulle il ki argeká fayám les bash ki hoy.

Yuána 19:35

Máá hééllá argeká he ˈduuwlé hogodho. Hé muí argééllá hé ˈdúwa. Máá kinaallá hé hogodhóóllá hát ˈdúwaká hé óg. Hééllá muí hogodhóóllá he giri itín úba hí iiy chegetoká.

Yuána 21:24

Máá lálííllá he máá hééllá ˈduuwle hogodho-, tá he veereká. Hééllá hát ˈdúwaká nyáá nyí óg.

Yuána 3:11

Yú ko ˈdúúw geeye, nyiin hé nyí ógká in nyí hogoto, hé nyí ˈdúúw ˈdú ˈdiiyyeká in fayamle ki hí geđia, kor it hé ki hí geđuoká iiy ma chegen.

He Ekeny Gál Alb Fimiká 22:15

Kúún aaléka mú máállé misikirká ha cheedhe, hé argiyye-, ubaa maalééllá fayamle gálaat lulle ha shigicha.

He Ekeny Gál Alb Fimiká 26:16

Aaléka les gaa keʼ, leđuđul ˈdé. Yú ko yé ˈdú gáá ˈdíéllá, máá chia ye he kí nannuoká yú ko hođia, giri hát ye argiyyééllá ubaa hé yú ko ká aargisuoká misikirle chegetká.

He Ekeny Gál Alb Fimiká 4:20

Tá nyiin gon hé nyí argiyyeká ubaa hé nyí maalleká nyáá nyí ma haađiny, ha nyí ˈdiyeenne, gaalí gáál yie.

Korínto Erká 1:6

Fayam Kiristóóllá hé gerkícho hát ˈdabaanká hille.

Korínto Erká 2:1

Nyaaramchú, af giri yú hí ˈdu gáá yimie-, yú hí hé geer geđi-, Waaˈgietká fayamle ki ˈdiiyimeká, yáá hí hát máá ˈdéé huogon súm ógkáka ma ˈdu gáá yímen, yáá ˈdaalimchú ma ki ˈdiiyíminy.

Yuána Erká 1:1

Nyiin Máá erkob-, Waag hátlé hé níínní ka kuonne mánká ali ije-, nyí ageerle nee kokoyye-, ubaa nyí il ki argiyyeká fayamle ke hí ki ˈdiyime. Máá ˈDeeny Luolmiti lééllá nyáá nyí argiyye, nyí gilkínyo ki chiichirate.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yuána ki Seđeká 1:12

Tá ˈDemétiros íín hé gálaat lulle hí ˈduuwle hogodho. Mú ˈduuwlééllá hé Máá kúnnaa ˈDúwáállá úba hí hogodho. Nyiin úba nyáá nyí mú ˈduuwle hogoto, tá ˈdeenykínyo hát ˈdúwaká kó óg.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:19

Aalé hé kuuní argiyyééllá ubaa hé káána yé ká ˈdeˈdeen-, tá héllé hí el gaa igiro-, bár ka chimetóótíá yé ká ˈdeˈdeenká warˈgát gaa véer.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 12:17

Aalé anich đo min ˈdú idhane, kie, giri min umlé les ki ˈgite-, Waag hemuumuritle ki ˈgie-, Yíésu ˈduuwle hogodhoká ˈdú ruruanká.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 22:21

Máá Guđo Yíésu hí lulkícho ˈdú ˈjeeˈjeen. Iiy-hí, he hí hát kinaallá yeet!

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.