Kí Edhesiny 1:11 - Fayam Midhab Yiesu Kiristoká He Hol Af Iđiny Kaanaká

¹¹ ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:11 ပူးပေါင်းရင်းမြစ်များ

He Ekeny Gál Alb Fimiká 16:14

ˈDeg kinaallá hé min Waag iiy chie-, gaalí Líˈdia yeget-, ˈjien Dhiatira gáá chimie-, đafaraam ˈdabaan-, bis hí kóórbiská hol gaa mamadicho mare hé hí gaa iđe. Min kinaal úba nyí af nee koyye. Máá Guđoká min kás shie, min ˈdeeny Báulo hí huogodheká iiy chie.

He Ekeny Gál Alb Fimiká 18:24

Aalé máá Yuuˈdi gaalí Abóllos yegie-, Alekesánđara gaa ˈdalidhe mare Eféso kí ˈjie. Mu íín he máá ˈdaalím hí guđo-, Warˈgat Waaˈgiet hát ˈdabaanká ógká.

He Ekeny Gál Alb Fimiká 20:17

Milétos állé kinaal Báulo Eféso gálaat ali ˈdú fie, giri gál nyaaram al kinaalloká gál hí met ki ˈgieká gaalí ká veveen-, mú hol aargiroká.

Korínto Erká 15:32

Yú onnônyka har máá kufeka, Waag geđi hí ma logolnonyká kátaka, af kinaalka laat yú ubaa gál bíne kach ˈguo-, ˈjien Efeso gaa ijóóllá nyí hol ki lađaanneká ˈduuw máre he ˈgayye? Har gál kufeká Waag hí geđi ma logolnonyka, af kinaalka ˈdéé hót giri kieye, Beríka in ke kufuma háluke, kí he kuo, kí he ˈjio, chegetóóllá, ki el gaa veereka kalat máámaʼ?

Korínto Erká 16:8

Héétí, ˈdaab ˈjila Bentekos ali ma kí ˈdíinyká, yáá hátle Eféso gaa ijo,

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Kolosááya 2:1

Aaléka, itín ubaa gál nyaaram ˈjien Lauˈdikew gaa ijoká, tá gál nyaaram kálta innumchú ma árginyká, laat chia yáálle ˈdaakíchoka hí hát ˈdabaanká ˈdú lađaanallá hí kiimisatoká yú fede.

Tímote Erká 1:3

Af giri yú Makeˈdónia sesemeká yáá ko gil ki efe, giri Eféso gaa yíéđianno-, gál he onisiny tagle muuninyallá gálaat oonisúóllá af tatiyyo-, gaal gáál he onisiny kinaal ma oonisiny-,

Kí Edhesiny 1:17

Yú mú argeká, hát máá kufekáka mú ˈgas met les gaa ˈdoy. Aalé mu ye gíllé ˈdaa naanietká ˈdú iifie, kieye, Ha bírginy, yú he Erkob ubaa Biiy El ˈDaˈd,

Kí Edhesiny 1:19

Aalé hé kuuní argiyyééllá ubaa hé káána yé ká ˈdeˈdeen-, tá héllé hí el gaa igiro-, bár ka chimetóótíá yé ká ˈdeˈdeenká warˈgát gaa véer.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 1:8

Máá Guđo Waag kieye, Yú he Álfa ubaa Oméga, Waag ali iđo-, kísóótí ali iđe-, tá bár ka chiimetóótíá úba ali iđo-, fargogínt lulle ˈgayyoká, he chie.

Kí Edhesiny 10:4

Aalé ˈgeˈget a tiiya ki yaaˈdeká, ˈgeˈget ˈdéé hótle onnônyka warˈgát ha yú gaa verene, kor yú ˈdéé hót úr gaa maale, ˈdéé hót kieye, ˈGeˈget a tiiya ki yaaˈdééllá ˈdéé hótle káaw, ha warˈgát gaa véérinyo ye chie.

Kí Edhesiny 14:13

Aalé yú ˈdéé hót úr gaa maale, ˈdéé hót kieye, Hééllá warˈgát gaa véer: Káána ubaa biiy met ki suoyyééllá gál iiy yeenlé ˈdaa Máá Guđo Kirísto ka ˈguoká ˈdaalleka gaal hí yegeská ebá Waag hí ˈdú ˈjiiy! chie. Aalé Hím Naasan Waaˈgiet kieye, Iiy-hí! Gálallá laatlé lađaanallá hefle hai ˈgiita. Gálallá húgúmle ˈduuwle hai hogodho.

Kí Edhesiny 19:9

Aalé máá giri ˈgasso-, urruká ye geey, kieye, Hééllá warˈgát gaa véer: Gál Eliny hí gólóllé eenká kí vieká ebá Waag hí ˈdú ˈjiiy! yie. Mu geđi ye geey, kieye, Hééllá he ˈdeeny ˈdúwa-, Waaˈgietká, yie.

Kí Edhesiny 2:1

Gál Kiristo ˈjien Efeso gaa ijoká máállé urru-, ˈgassoká ˈdeenyééllá ˈdú véer. Máá hidhino tiiya gíl ˈdaa naaniet ka ˈguo-, hé tiiya-, hórkí-, nyátáá tiiya hí ˈdú iđoká hurt gaa seseenká ˈdeenyle hééllá:

Kí Edhesiny 2:12

Gál Kiristo ˈjien Bergamon gaa ijoká máállé urru-, ˈgassoká ˈdeenyééllá ˈdú véer. Máá faaˈd órof-, ˈdinnam hullaalle gáá alléká ˈguoká ˈdeenyle hééllá:

Kí Edhesiny 2:18

Gál Kiristo ˈjien Dhayatira gaa ijoká máállé urru-, ˈgassoká ˈdeenyééllá ˈdú véer. Iny Waaˈgiet in hí hát ˈjiet bólo-, ˈgas met hí hát gib boloonká ki égká ˈdeenyle hééllá:

Kí Edhesiny 2:24

Tá it hí Dhayatíra gaa iđa-, hí he onisiny hodho-, gaalí Sátan héllé geer geđiká yegetallá el ma gaa véérinyatíá ha yú hí geey, yáá hí ilsh éíy taakaká ma ˈdú iđiminy.

Kí Edhesiny 2:8

Gál Kiristo ˈjien Simirna gaa ijoká máállé urru-, ˈgassoká ˈdeenyééllá ˈdú véer. Máá Erkob ubaa Biiy El ˈDaˈd lé-, kufe-, kor geđi loolnodheká ˈdeenyle hééllá:

Kí Edhesiny 21:5

Aalé Máá kara guchiká ˈdú ijoká kieye, Bá dhaayyíe, yú he met lulle káána ha ká hođia. Mu geđi kieye, Hééllá lulle warˈgát gaa véer, ˈdaa giri ˈdeenyééllá he ˈdeeny ˈdúwa-, ˈduuwawká, ye yie.

Kí Edhesiny 22:10

Mu geđi ye geey, kieye, ˈDeeny Waag hí ko ká shigiche-, kuuní warˈgatééllá gaa veeˈdééllá ha káan, ˈdéé bárle hé ká ˈjobonte.

Kí Edhesiny 22:16

Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.

Kí Edhesiny 3:1

Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 3:4

Tá gál kíchia ˈbaal Sártis gaa ijóótíá đafaraamle hé ma muˈgâny. Gál kinaallá ˈdaa giri ki ˈdúwaká in đafaraam eegedh-, yú fadhdhééllá úba faadhdha, nyí hol ˈgar seseenne.

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá: