Héberew 9:8 - Fayam Midhab Yiesu Kiristoká He Hol Af Iđiny Kaanaká

⁸ Henaasanééllá ˈdaalleka Hím Naasan Waaˈgiet hé gáál ka geđichoká he giri bár ˈBíl ˈbaaro Waaˈgietallá he les gaa ijeká Waag hé Ál Súm ˈDúwa-, Kiato-, uratiká ˈgíérích gálaat hí ki higiloká hátle gálaat ma kí edhesînyká.

Héberew 9:8 ပူးပေါင်းရင်းမြစ်များ

Lúka 1:80

Aalé veel guđandhe, Hím Naasan Waaˈgiet ˈdaa ki liledhe. Mu ˈbakat álle gaa yíéđie, ˈjíig mu gál Yisirayel ál kinaal ki ˈdiiyime.

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 10:9

Yú he kar, máá ye ka naatká rubach hai aargira. Mu ˈdeey hai ká higila, kor yíé hai ˈdeeme, hai ˈdeedhme.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

He Ekeny Gál Alb Fimiká 28:25

Aalé gaal hol af ká điidhe. Kor gaal hátlé giri eiy ma kíinyká Báulo ˈdeenylé biiy el ˈdaˈdká gáál geey, kieye, Hím Naasan Waaˈgiet hé ˈdúwaká eshim eshimkícho geeyche, giri Yisááya geeyche-, kieye,

Galátia 3:8

Waag hát gál gál Yuuˈdi muuninyká iiy yeenlé Kirísto ka ˈguoká ˈdaalle ˈdugaka gáál gál ˈdúwaká hođichóóllá, hé kis Warˈgat Waaˈgiet hí hote. Hé kinaallá af giri Waag Abirááyam Fayam Midhabká geeyche-, kieye, É meet lulle ˈdúˈjímlé yú ˈdú ˈjeˈjeenká ˈdaa kua ká naata, mú chieká.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Héberew 10:15

Hím Naasan Waaˈgiet ˈdeenyééllá ˈdugaka hé úba ˈdéé ká hote, kieye,

Héberew 3:7

Aaléka, Hím Naasan Waaˈgiet kieye, Hát káána gálkícho ˈbakat álleka Waag af ma ˈduwâny-, Waag gíl sug ki hayká, kúlíchallá har hí Waag afle maalleka, haí met googonôny.

Héberew 9:3

Đafar ˈbíl toom gaa tielká sugle he ˈbíl geer ki naamaká. ˈBíl geer ki naama kinaallá Ál Súm ˈDúwa-, Kiatoká gaalí yegie.

Bétiro ki Naamaká 1:21

ˈDeem Waag hí gáál ka shigicheká hé kálta gálaat kasle yé ma gáá ˈdíiny. Gaal íín Hím Naasan Waaˈgieto hí af tatiyye, in ˈdeeny Waaˈgiet hogodhe.