Héberew 9:15 - Fayam Midhab Yiesu Kiristoká He Hol Af Iđiny Kaanaká

¹⁵ Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Héberew 9:15 ပူးပေါင်းရင်းမြစ်များ

Matááyo 19:29

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 22:3

Aalé gólol he hí kóony yieká, mu gedelle gál gaalí kiereká ali ˈdú fie, kor gál he kiere kinaal hí gaa điidhe.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 25:36

Yú gele mannayká, it ye gele hite. Yú furs ˈgieká, it ye ˈdú ˈjeˈjeenne. Héétí yú hiigin gaa ijeká, it ye af kí ˈdeˈdeenne, ha muí gáál yeedhe.

Márko 10:17

Aalé Yíésu ˈgíéríchlé gaa igireká mú tikiˈd hí ˈdú gáá ˈdodhdhe, mu Yíésu ˈgas met les kurram gaa ˈdoy, mú yiete, kieye, Máá ˈdúwa-, gálaat he oonisúóllo, yú háte ˈdeeme, giri yú luolmit biiyoká aargiroká? yie.

Lúka 18:18

Aalé máá kansich mare Yíésu vie, mú yiete, kieye, Máá ˈdúwa-, gálaat he oonisúóllo, háte yú ˈdeeme, giri yú luolmit biiyoká aargiroká? yie.

Lúka 22:20

Golol he gáál gaa đueká mu geđi kulu ˈduuny vinna-, hí gaa ijeká eedhdhe, gáál geey, kieye, Kulúúllá he he hol af iđiny kaanaká. Hé hol af iđiny kaanáállá fás chia ˈdaakíchoka okodmootká ˈdaalle he ká naata.

Yuána 10:28

Hé yáálle hí luolmit biiyoká shiguo, hé ma kufuminy. Hé máá níínní hí ye af ki ririat-, hí ye gíl geer yé gaa ˈdeđisatká mán.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:6

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 8:28

Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Róóma 8:30

Aalé gál Waag hí taak koyyééllá in úba Waag hí ká viiyye. Gaal ííni muí ka víéllá in úba muí gál ˈdúwaká yie. Gál muí gál ˈdúwaká yíéllá he gál muí ˈduuwasuoká.

Róóma 9:24

Múúni ˈbáál ke gál Yuuˈdi-, ˈbáál ke gál Yuuˈdi muuninyallá, hé ke gál Waag hí waaratééllá hurt gaa ijo.

Korínto ki Naamaká 3:6

Nyiin Waago úba nyí he hol af iđinylé kaanáállá hújíchle nímle uritle shiiche. He hol af iđiny kaanáállá hé hemuumurit Móshe hí veereká ˈdaalle ma ki taaliny, Hím Naasan Waaˈgieto ˈdaalle ki taalla. Hemuumurít íín kúfacho gáál mé ki kokoyyo, Hím Naasan Waaˈgiet íín luolmíti gáál yé ˈdú ˈdeđicha.

Galátia 3:20

Máádhat har gálaat totom gaa seseenka, hé ˈdeeny muí tikiˈdeká hurt ma higiliny. Tá Waag íín tikiˈde.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Dhesaloníke ki Naamaká 2:14

Fayam Midhab ke hí ki ˈdiiyimééllá, in Waag hí rúbáchallá kí viiyye, giri Máá kúnnaa Guđo Yiesu Kirísto hí ˈdúúw gaa aargiˈdoká.

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Héberew 10:34

It gál hiigin gaa ijeká ger kurshám aargisiche, héétí hé kíchia lulle hí ˈgayye-, gaalí gaa uuneká hé kinaal hát geer gaa meentiká it ká eete. Itín it hé midhab hí met egete-, taalle bííyyo ali ijoká onnoyye.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 11:13

Gál Waag iiy yeen ka ˈgíéllá iiy yeenlé he ˈgie, ˈjíig guraam hí guure. Gaal hátlé les ˈdug ˈdú ijeká lés urati-, Waag hí af iđicheká hé ma árginy. Lés Waag hí gáál af iđiche kinaal bííy fágo gaalí ká arge, gáál geer gaa meesie. Gaal hát lésal ma lileny-, lésal el mé ka mánká hé iiy yie.

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 6:13

Waag ˈdaa giri máá níínní hí ˈdú guđanay-, ˈdoˈdoote-, mánká, in af giri Abirááyam he af iđicheká hol ˈdoote,

Héberew 6:15

Aaléka Abirááyam hé ma ˈgorôny, hé Waag hí hotéél af yíéđie, in el ˈdaal hé Waag hí af iđichééllá arge.

Héberew 7:22

Waag hol ˈdoonlééllá ˈdaalleka in ke he hol af iđiny kaana-, Yíésu hí Waag ubaa gálaat hol hilsíéllá hát he hol af idiny kissoká ˈdú ˈdúwaká ke tág og.

Héberew 8:13

Waag he hol af iđinyééllá he hol af iđiny kaanaká chíéllá, he ˈdaa giri he hol af iđiny erkobká muí hé hujich hí beeyká hoyká. Ameeny hé hujich hí beeyká ál ˈjóbo gaalí gaa gaadha.

Héberew 9:12

Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Héberew 9:16

Af giri máádhat kamurle hátlé gaalí eiy mumuratká warˈgatle verenoká, mú kamurlé kinaallá ˈdaab mu ma kúfinyká hé máá hí eiy mumuratká mán.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yuána Erká 2:25

Kirísto hé muun gáál af iđieká he luolmit biiyóóllá.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.