Héberew 9:14 - Fayam Midhab Yiesu Kiristoká He Hol Af Iđiny Kaanaká

¹⁴ Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Héberew 9:14 ပူးပေါင်းရင်းမြစ်များ

Matááyo 12:28

Tá yú har Hím Naasan Waaˈgiet aryáán yiem ki ˈdeđuoka, af kinaalka Guch Waaˈgiet hé hí hurt ká hille.

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 7:11

Har káána úba hí gál ˈdeđewká kátaka, it umkícho hé ˈdabaan-, hí shigichoká óg. Tá ˈJaa kíchia úr ijoká gál hí rogononká, he ˈdaab máre shigia?

Lúka 1:74

Mu kidh gíl geer hai gáál gaa riima, giri hé ki kikiat mán-, ki mú vivisatká.

Lúka 12:24

Ebá yaalmit haara dhaayyíe. Hé ˈguom níínní he fafiyyo-, mumurat-, tá bush fafaatká mán. Waago hí wawaycha. Itín it tág súm kimír ˈdú ˈdúwa.

Lúka 12:28

It Waag iiy yeen hí ninníil! Waag har ísh halúg kúlíchal les gáá ˈdeˈdeen-, aadh ˈdaatika gaalí ˈjiet gaa verenóól in hatal buukaycha, mu bukam hatallo-, bís kallany a mé ˈdaatíká hé úba hí ma ki buukany?

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Yuána 3:34

Máá Waag hí ali gáá kaayyeká ˈdeeny Waaˈgieto ˈdiyime. Waag Hím Naasanle hé mú ˈdú ookodmiche.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 14:15

kieye, Gál yaab, háteka hí héél ekemeychéel? Nyíín úba nyí gálaat, hát itíni! Nyíín Fayam Midhabká ke hí ˈdú gáá sidhe, giri ke hí geđuo-, hí hé ˈdúúw mánnallá haađicha-, Waag giri úr, les, bás, tá héllé hí gaa ijoká tág niiyyeká hí bala ˈdu gáá nanniyyaká.

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

Róóma 1:20

Ameeny Waag les ka kuonneká fargogintlé biiyoká ubaa íín hát he lúl hí ki ijoká lúl hé édh-, kaany mánká tákáma. He met lullé Waag hí ka kuonnééllá in Waag ke il ma ki argirinyallá ˈduuwle gálaat aargisia. Aaléka gálaat Waag ˈduuwle hé hát níínní gaa faalanká mán.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Róóma 11:12

Af giri gál Yuuˈdi ˈgíérích Waag hí gálaat rubach ki shigichóóllá điidhe-, ađaabéélla hileká, in Waag kidhéétí ˈdú ˈjiiyye-, rubach shiiche. Tá gál Yuuˈdi bár rúbáchallá mé ˈdu gáá law-, iiy yeetká, ˈdúˈjím Waaˈgiet bar kinaalloká ˈdaa kidh lúl les gaa ijokáka ebá guđáan!

Róóma 11:24

Itín hí hát kolm Waag hí ˈgór timiet gáá muˈde-, tá hát aađaká muuninyká ˈgór muí fieká gaa kuokoyká. Aalé Waag ˈgór he fiiyye kinaal kolmlé gáá muˈde kinaal geđi hol ˈdú nanniyyoká ebá súm hí hawul ki mán!

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Korínto Erká 15:45

Warˈgat Waaˈgiet kieye, Áˈdám erkoballá hé máá sidh ˈguoká yie, he chie. Tá Yiesu Kirísto-, ke Áˈdám biiy el ˈdaˈdká yegetallá, he máá uriet-, Hím Naasanle gálaat luolmít shigichoká.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Korínto ki Naamaká 6:16

ˈBíl Waag hí gaa iđoká hé waagam hódhoká úba hí gaa ijo? Múún he ke ˈbíl Waag bííyyo ali iđoká, hát Waag hí héle hote-, kieye, Gáál hurt ha yú gaa yíéđima, gáál hollo nyí hol ˈgayya. Yú gáál Waagle hai yeedhe, gaal íín gálchú hai yeedhe, chieká.

Galátia 2:19

Hemuumurít ˈdaalleka yáá hemuumurít gim yíé gaa ˈdie, giri yú Waag ˈdaalle ki yaalká.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Dhesaloníke Erká 1:9

Gaal íín ˈdaakínyoka hát ke hí kí fame-, hí waagam hódhoká gil sug ki hayche-, hí Waag ali iđo-, ˈdúwáállá el gaa igiˈdoká fayamlé he hogodho.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 3:15

giri gál ˈbíl geer Waaˈgiet húgúmlé ki ijoká kuuní ógká. Gál ˈbíl geer Waaˈgietallá he Waag bííyyo ali iđoká gállé. Gálallá hát ˈbíl áár, gaal hé ˈdúwa-, Waaˈgietká he úr ki chichiˈda.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 10:10

Aaléka, hát Waag hí feˈdeká in Kirísto hol sillie, mu gónle suor hoy, suor kinaal hát a tikiˈdeká muun gáál saas ˈdabsiche, gáál Waag gálle hoyche.

Héberew 10:12

Tá Máá kúnnaa méte suoryóóllá a tikiˈde hol suor kí hoy, giri gálaat ađaabanolle ubaa nyuogimle lulle gaa egewká. Mu hé Waag gíl ˈdaa naaniet yíéđie.

Héberew 10:2

Suoryam aanyiet fargogint hatallóóllá ˈgíinyka, hé onnônyka hát a tikiˈdeká gál Waag vivisatká ađaabanolle ubaa nyuogimle gaa dhiire-, gaal suoryam ˈgalitle ali koyká muunîny?

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 11:21

Yákob iiy yeenle ˈdaalleka, af giri sidh hí ali kí ˈdiiyyeká mu Yúósef helelle hullaalle ˈdú ˈguunume, mu gasar mé veere, Waag vite.

Héberew 13:12

Hát tikiˈde kinaallá in Yíésu úba é sug he il hí gaa argiyye, kufe, giri fásle ˈdaalleka gálaat ađaabano ubaa nyuogim gaa dhidhiroká.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 6:1

Aaléka, ha ke he onisiny erkob-, Kiristo-, ke onodheká taalle gaa íđiny, kí biiy met ki siet, giri ke mú ˈdeenyle ki higirawká. Hé erkob ke onodhe-, hát káána he ekeny ˈdúúw mánká ke haađuo-, ke Waag iiy yeen ká ˈguoká, hé kinaallá he hé ke ógká muunîny?

Héberew 7:16

Máá kúnnaa Guđo-, máá suoryo yíéllá hé ˈdaa hemurit giri kieye, máá suoryoká hí émeeny Levi yé gáá ˈdie, chieká ma kí yímen, mu fargogint luolmit biiyoká ˈdaallé he máá suoryo ki yie.

Héberew 7:27

Mu íín hé hát gál méte suoryo-, aadh lulle suoryam ˈgaˈgalo-, suor ˈgaˈgaloká erkob suor ađaabanolle ˈgaˈgalat-, he đueká gálaat ađaabanolle suor ki ˈgaˈgalóótíá muuniny. Mú íín suorle af hí tikiˈde, giri mu dhúrle ˈdaa ađaabano gálaatka sídhle sillieká.

Héberew 9:12

Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Héberew 9:7

ˈBíl geer ki naamaká, máá méte suoryoká tákáma hí higile. Mu wár tikiˈdeká ˈbíl geer kinaallá kulich tikiˈd tákáma gaa higile. Mu ali higileká ađaable ˈdugaka suor he Waag ki ˈgaleká fásle ubaa ađaabano gálaat hí hile-, gaalí moonnoyká ˈdugaka suor he ˈgaleká fásle he ali ki higile, giri Waag Állé Súm ˈDúwa kinaal fás ki ˈdaraanká.

Héberew 9:9

ˈBíl ˈbaaro Waaˈgietallá ubaa henaasanlééllá hé hé muun gáál bárallá gaa oonisuoká ˈguo. He onisiny kinaallá he hé shiicho gaalí Waag shigieká ubaa suoryam gaalí Waag ki ˈgaˈgaleká hát fargogint gáál kasle ˈduuwasicheká mánká.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.