Héberew 9:12 - Fayam Midhab Yiesu Kiristoká He Hol Af Iđiny Kaanaká

¹² Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Héberew 9:12 ပူးပေါင်းရင်းမြစ်များ

Márko 3:29

Tá máá Hím Naasan Waaˈgiet chaaroká ađaablé kinaallá hé Waag hí ma haađiny, ađaab kinaallá taalle bííyyo máálle haí ˈgaa, muí yie.

Lúka 1:68

Kí Máá Guđo Waag Yisirayelká meeyo, ˈdaa giri mu muun gáál ˈdu gáá yimie-, gáál rieká.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Kolosááya 1:14

Mú Inylééllá in muun gáál fásle ki rie, gáál nyuogim ubaa ađaabanokúnno gaa eey.

Dhesaloníke Erká 1:10

Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 10:19

Aaléka, nyaaramchú, fás Yiesu ˈdaalleka muun Ál Súm ˈDúwa-, Kiato uratíítíá hát sierm mantiká ke higila.

Héberew 10:4

Tá fás aar ˈguo ubaa fás aiyiet íín hé hát níínní ađaabano ubaa nyuogim gálaat gaa egewká mán.

Héberew 13:12

Hát tikiˈde kinaallá in Yíésu úba é sug he il hí gaa argiyye, kufe, giri fásle ˈdaalleka gálaat ađaabano ubaa nyuogim gaa dhidhiroká.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Héberew 7:27

Mu íín hé hát gál méte suoryo-, aadh lulle suoryam ˈgaˈgalo-, suor ˈgaˈgaloká erkob suor ađaabanolle ˈgaˈgalat-, he đueká gálaat ađaabanolle suor ki ˈgaˈgalóótíá muuniny. Mú íín suorle af hí tikiˈde, giri mu dhúrle ˈdaa ađaabano gálaatka sídhle sillieká.

Héberew 9:13

Yaalmit kissoká fás aiyiet ubaa fás aar rúóreká, tá maaˈd gaalí ˈdunayká egle gál suoryoká hí gál saas ˈgieká ki ˈdarame, giri gáál gónle saas gaa dhidhiˈdoká.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Héberew 9:19

Af giri Móshe hemuumurit Waag hí shiicheká ˈdeemle lulle gál Yisirayel geeyká, in mu wala búrká dhúrle ubaa hísob ráshle shuunne, fás aar rúóreká ubaa fás aiyiet bie hol ˈgieká ki tie, warˈgat hemuumuriti kinaal ubaa gaal íín lulle ki ˈdoy,

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Héberew 9:7

ˈBíl geer ki naamaká, máá méte suoryoká tákáma hí higile. Mu wár tikiˈdeká ˈbíl geer kinaallá kulich tikiˈd tákáma gaa higile. Mu ali higileká ađaable ˈdugaka suor he Waag ki ˈgaleká fásle ubaa ađaabano gálaat hí hile-, gaalí moonnoyká ˈdugaka suor he ˈgaleká fásle he ali ki higile, giri Waag Állé Súm ˈDúwa kinaal fás ki ˈdaraanká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.